ღონისძიებები
იოგას სახლი, 10 ოქტომბერი, 18:00—20:00 გიორგი ბერძენიშვილის შესახებ. ბმული სემინარის აღწერა გვაქვს თუ არა კარგად გააზრებული რატომ ვაკეთებთ იოგას, კონკრეტულად რომელ ასპექტს რა ეფექტი აქვს ან უნდა ქონდეს, ან საერთოდ რა არის იოგა და ამ კონტექსტში იოგა ანატომია? რას ნიშნავს სწორი და არასწორი შესრულება, რაზეა დამოკიდებული სარგებლიანობა და ეფექტი? რა უნდა ვიცოდეთ მინიმუმ, რომ ჩვენი პრაქტიკა სასურველი ეფექტის მომტანი იყოს? ამ და კიდევს სხვა საინტერესო და მნიშვნელოვან საკითხებზე შევეცდები პასუხის გაცემას. ჩვენ უხსოვარი დროიდან დღემდე ვიცვლით ცხოვრების ნირს და ყაიდას. დღეს, განსხვავებით იმ დროისა, როდესაც არ არსებობდა სწორი სასიარულო ზედაპირი, ჩვენი ტერფის ღრმა კუნთები თითქმის აღარ მუშაობენ და გაზარმაცებული არიან ზედაპირის სიგლუვის გამო. სწორმა გზებმა, ზოგადად სწორმა სასიარულო ზედაპირმა და ნაკლებ მოძრავმა ცხოვრების წესმა ჩვენში ამ ღრმა კუნთების არ გამოყენება გამოიწვია და შედეგად ტერფის პრობლემები. აქედან გამომდინარეობს ბევრი სხვა პრობლემაც, მაგალითად ხერხემლის პრობლემებიც. აგვარებს თუ არა იოგა ანატომიის გარეშე ამ პრობლემას ავტომატურად? ნაწილობრივ ან ძალიან მცირედად ან შესაძლოა საერთოდ არა. იოგა ანატომიის ცოდნა აუცილებელია იმისთვის, რომ ჩვენს მიერ დანახული პრობლემა სწორად მოვაგვაროთ. ვიცით, რომ გაჭიმვების და დაჭიმვების შესრულებას კუნთები ტონუსში მოჰყავს. ვიცით კი სად არის ზღვარი და როგორ მოქმედებს ეს სახსრებზე. რა უნდა გავითვალისწინოთ, სახსრის არ დაზიანებისთვის და არ დასუსტებისთვის (ზედმეტი გაჭიმვებით). რომელ სახსარს რამდენ გრადუსიანი დახრის ამპლიტუდა აქვს. აღნაგობის ინდივიდუალურობა და შესაძლებლობების ზღვარი ძალიან მნიშვნელოვანია. უნდა გავარჩიოთ სად უნდა გავჩერდეთ და სად არა. ჩვენ ვხედავთ ვინმე მოქნილს და გვიჩნდება სურვილი მას მივბაძოთ. ის კი არ ვიცით, რომ მას შეიძლება სახსრის მოყვანილობა აქვს ასეთი და ეს გაჭიმვის საკითხი არ იყოს. ზოგიერთი ჰიპერ მობილური სახსრების მიზეზი შესაძლოა ძვლის ფორმა ან სახსრის თავის მოყვანილობა იყოს, ან კუნთების სისუსტე, რაც ხშირ შემთხვევაში სასურველი არ არის. ან მეორე მხრივ, თუ ვინმე საკუთარ თავს არა მოქნილად მიიჩნევს ამბობს, რომ მას იოგა არ გამოუვა, რაც სრულიად არასწორია, ვინაიდან იოგა სწორი შესრულებაა და არა მოქნილობა და მოუქნელსაც ისეთივე სარგებელი აქვს მისგან როგორც მოქნილს. გასაკუთრებული ყურადღება, როგორც თეორიული ისე პრაქტიკული დაეთმობა ტერფის ანატომიას. რა არის იოგა ანატომია; რატომ არის აუცილებელი მისი გამოყენება; როგორ გავითვალისწინოთ პრაქტიკში; კუნთები და სახსრები; აღნაგობის თავისებურებანი; ტერფის იოგა ანატომია. სემინარზე დასწრება შეუძლიათ როგორც დამწყებებს ისე ინსტრუქტორებს ან მათ, ვისაც ინსტრუქტორობის სურვილი აქვთ.*
ღონისძიებები
www.yoga.ge ლექცია I — ჰათჰა იოგა. ისტორია და სახეობები. ნაწილი I გიორგი ბერძენიშვილის ლექცია ჰათჰა იოგას შესახებ, მისი ისტორიის, განვითარების და სახეობების შესახებ.
ბლოგი
http://instagram.com/p/sKmkS7sOu4/?utm_source=partner&utm_medium=embed&utm_campaign=video&modal=true კინოს მაკგრეგორს ამ პოზის გასაკეთებლად 15 წელი დასჭირდა, მაგრამ მაინც მიაღწია. ეხლა ვიღაცამ შეიძლება იფიქრობს, რა ხეირი მაქედანო?! მაგრამ ვინც არ იცის, რა დიდი სტიმულია და სიამოვნებაა ახალი პოზის შესრულება, მინდა ვუთხრა, რომ ნამდვილად ღირს. ყველას რაღაც ეადვილება, მაგალითად იაკობ გოგოტიშვილისთვის ეს პოზა არაფერია . ბუნებრივია ქალებს უფრო ძალისმიერი პოზების შესრულება უჭირთ, მითუმეტეს თუ არ აქვთ სპორტული საფუძველი. მთავარია არ ვიჩქაროთ... ეს ხანგრძლივი მოგზაურობაა. არის აღმასვლები და დაცემაც. ჩვენი საზოგადოებისთვის იოგა ახალი ხილია. ეს ჯერ არ არის ჩვენი კულტურის, ყოველდღიურობის ნაწილი. განვითარებულმა ქვეყნებმა ის ძალიან კარგად აითვისეს და რა თქმა უნდა წინ არიან. იქ იოგასთან დაკავშირებით ისეთი თემებია წამოჭრილი, რაც ჯერ არ დგას საქართველოში. აქ ყველაფერი გახდომას დაუკავშირეს, ლამის სახელიც კი დაარქვან "იოგა გახდომისთვის", რაც ღიმილისმომგვრელია მათთვის, ვინც იოგას ნამდვილ არსს ჩაწვდა. გახდომაც ხომ ტვინიდან მოდის. გიორგი ბერძენიშვილი
ღონისძიებები
შაბათს, 14 ივნისს, 16:00 საათზე გიორგი ბერძენიშვილის აშთანგა იოგას პრეზენტაცია იოგას სახლში.გიორგი ბერძენიშვილი 15 წელია რაც იოგას სხვადასხვა სახეობებს მისდევს. ის ბოლო 10 წლის მანძილზე ასწავლის იოგას. არის დამფუძნებელი პირველი იოგას ცენტრის "იოგას სახლის" საქართველოში. მისის ხელმძღვანელობით საქართველოს იოგას ფედერაცია გახდა სრულუფლებიანი წევრი საერთაშორისო იოგას ფედერაციის და იოგას ასოციაციების ევროპული კავშირის.აშთანგა იოგას მისდევს ბოლო რამდენიმე წელია. მან ტრენინგების სრული კურსი გაიარა აშთანგა იოგას მსოფლიოში წამყვან მასწავლებელთან დევიდ სვენსონთან, რომელიც ერთერთი პირველ მოსწავლეთაგანია აშთანგა იოგას შემქმნელის პატტაბჰი ჯოისის. ამიტომ, ეს სისტემა სიახლეა საქართველოსთვის.აშთანგა იოგას შესახებაშტანგა იოგას ხშირად ურევენ ვინიასა იოგაში. ინსტრუქტორებიც კი უშვებენ ამ შეცდომას. აშთანგა იოგა შესრულების მანერა ან სტილი ჰგონიათ. არადა, აშთანგა იოგა არის სისტემა, რომელიც პატტაბჰი ჯოისმა ასწავლა თავის სტუდენტებს. ამიტომ ბევრისთვის ნამდვილი სიახლე იქნება ეს სისტემა.აშთანგა იოგაში არის 6 სერია:საწყისი კომპლექსი (პირველი კომპლექსი);შუალედური კომპლექსი (მეორე კომპლექსი);რთული კომპლექსი (მესამე კომპლექსი);არსებობს რთული კომპლექსის 4 ვარიანტი:რთული კომპლექსი A (იგივე მესამე კომპლექსი);რთული კომპლექსი B (მეოთხე კომპლექსი);რთული კომპლექსი С (მეხუთე კომპლექსი);რთული კომპლექსი D (მეექვსე კომპლექსი);პრეზენაციის შემდეგ ჩატარდება პრაქტიკული ტრენინგი და იქნება დრო თვენი კითხვებისთვის პასუხის გასაცემად.ასე რომ, გელით ♥დასწრება თავისუფალია ჩაწერამისამართი: შარტავას 41 აyoga.ge@yahoo.com555 11 52 88www.yoga.ge
ფედერაცია
The new elections:President of European Union of Yoga Associations Mrs Swamini Uma from Germany 2014-2018. Executive board:Mr. Ashok Kumar (Secretary General, Yoga Federation of India);Mr. Giorgi Berdzenishvili (Yoga Federation of Georgia);Mrs. Beatriz Tara (Integral Yoga Association of Portugal);იოგას ასოციაციების ევროპული კავშირის ახალი არჩევნების შედეგები:პრეზიდენტი - ქალბატონი სვამინი უმა (გერმანია 2014-2018).აღმასრულებელი საბჭო:აშოკ კუმარ აგგარვალ (ინდოეთის იოგას ფედერაციის გენ. მდივანი).გიორგი ბერძენიშვილი (საქართველოს იოგას ფედერაციის პრეზიდენტი).ბეატრიჩ ტარა (პორტუგალიის ინტეგრალური იოგას ასოციაციის პრეზიდენტი).
ინტერვიუ
Post by იოგას სახლი. ნანკა კალატოზიშვილმა ფეისბუქ-ის საკუთარ გვერდზე ახალი ფოტო განათავსა შემდეგი წარწერით: „უმორჩილესად გთხოვთ ისე დამიგეგმოთ სამუშაო გრაფიკი, რომ აქ მისვლა არ გამაცდენინოთ“. მოგვიანებით მან ვიდეოც ატვირთა. როგორც გაირკვა ცნობილმა მსახიობმა სიარული იოგას სახლში დაიწყო. „მიუხედავად იმისა, რომ ჯერ სულ ოთხჯერ ვიყავი, საოცრად მომწონს“ - განაცხადა ნანკამ „ნიუპოსტთან“ საუბრისას. ნანკა კალატოზიშვილი: „ორსულობის მერე აღარ მივარჯიშია და რასტიჟკას ვსაჭიროებდი. თან ზურგში და მხრებში საერთოდ ვერ ვიშლებოდი. იოგა სახლს შემთხვვით ფეისბუქზე გადავაწყდი, საიტი დავათვალიერე თუ არა გავიფიქრე იოგა თუ მიშველის მეთქი. მეორე გაკვეთილზე უკვე მხრებში გავიშალე. ძალიან მიხაროდა. თან ძალიან მაგარი ტრენერი მყავს გიორგი ბერძენიშვილი, მოკლედ ძალიან მომწონს. ერთხელ გაცდენა მომიხდა გადაღების გამო და ძალიან განვიცადე“. წყარო
ჯანმრთელობა
ჩვენ ვცხოვრობთ პერიოდში, როდესაც სხვადასხვა დარგები, ერთმანეთთან გადაკვეთის წერტილებს პოულობენ, რაც გვიმარტივებს რაციონალურად აღვიქვათ და მივიღოთ ყოველივე ის, რაც სასარგებლოა ჩვენთვის. ამ შემთხვევაში საუბარი ეხება იოგასა და მედიცინის თანამშრომლობას. არსებობს იოგას მრავალი სახეობა, მაგრამ ჯანმრთელობის განსაკუთრებულ როლზე საუბრობს ჰათჰა იოგა, რომელის თანახმადაც სულიერ განვითარებას, რაც იოგას უმაღლეს მიზანს წარმოადგენს, წინ უნდა უძღოდეს ჯანმრთელობის გაკაჟება, აღდგენა, ეს ერთგვარი მოსამზადებელი ეტაპი იყო იოგას ძირითადი პრაქტიკისათვის. ამის შესახებ ნათქვამია ჰათჰა იოგა პრადიპიკაში. ეს ტექსტი სავარაუდოდ მეთხუთმეტე საუკუნეშია დაწერილი და ჰათჰა იოგას სახელმძღვანელოს წარმოადგენს. აქვე სჩანს, რომ მათი წარმოდგენები ჯანმრთელობასთან დაკავშირებით ტრადიციულ ინდურ მედიცინას, აიურვედას ეყრდნობა, რომელსაც იოგას დად მოიხსენიებენ. აიურვედა, ერთ-ერთი განმარტებით, სიცოცხლის ხანგრძლივობას ნიშნავს, რაც მიგვანიშნებს მის მიზანზე. თანამედროვე მედიცინისგან განსხვავებით, აიურვედა ადამიანს არა მხოლოდ ფიზიკური თვალსაზრისით განიხილავდა, არამედ სნეულების მიზეზეში მის სულიერ მდგომარეობის გაუარესებას ეძებდა. ამგვარი კავშირების ძიების მცდელობა დღესაც არის, თუმცა ძირითადად თანამედროვე მედიცინა ამგვარ კავშირებს თითქმის არ ეყრდნობა. რა თქმა უნდა, ყველასთვის ცნობილია, რომ სტრესი და უარყოფითი ემოციები დაავადების მაპროვოცირებელი შეიძლება იყოს, მაგრამ კონკრეტულად, როგორი სტრესი რა დაავადების მაპროვოცირებელია, ეს კვლევის საგანია. ვინაიდან იოგას სწავლება, ადამიანს, როგორც ერთ მთლიანობას განიხილავს, მის სასიკეთო ეფექტი ყველა მიმართულებით შეიძლება ვიგრძნოთ, იქნება ეს, გულსისხლძარღვთა, სასუნთქი, ძვალ-სახსროვანი, ნერვული სისტემა თუ ზოგადი ფსიქო-ფიზიკური იმუნიტეტი. ეს არის პრაქტიკა, რომელიც გვაბალანსებს, როგორც ფიზიკურად, ისე სულიერად. შესაბამისად, ეს ცხოვრების წესი უფროა, ვიდრე კონკრეტული დაავადების სამკურნალო საშუალება. ხშირ შემთხვევაში, ჩვენ მივმართავთ საშუალებებს, როდესაც პრობლემამ შეგვაწუხა, ან უკიდურეს მდგომარეობაში ვიმყოფებით. ამ შემთხვევაში, იოგა შორსმჭვრეტელობას ჰგავს, როდესაც წინასწარ ვზრუნავთ იმ მოსალოდნელ პრობლემებზე, რაც შეიძლება გაჩნდეს. ეს არის იოგას როლი ადამიანის ჯანმრთელობის მიმართ, თუმცა არსებობს, ჩემი აზრით, არასწორი დამოკიდებულებები იოგას მიმართ: იოგას პაციენტი. ბევრი გრძნობს თავს პაციენტად, როდესაც იოგას მიმართავენ. "პაციენტი" — გულისხმობს მკურნალობას, როდესაც პაციენტი პასიურია და მას მკურნალობენ. ხოლო იოგას შემთხვევაში ეს სწავლებაა, რის შედეგადაც უშუალო მოქმედი ხართ თქვენ. ფაქტობრივად ეს საკუთარ თავზე მუშაობის სწავლებაა. როდესაც ესმით სიტყვა "სწავლება", თითქოს ეცოტავებათ, მხოლოდ სწავლება? სინამდვილეში კი, ეს სწავლება გაცილებით მეტია ვიდრე მკურნალობა, ვინაიდან სადავეებს იღებთ ხელში. დიაგნოზის შეფასება. ძნელია ითქვას რატომ, მაგრამ ბევრს აქვს წარმოდგენა, რომ იოგას მასწავლებელს აქვს, ან უნდა ჰქონდეს ჯანმრთელობის მდგომარეობის შეფასების უნარი სამედიცინო თვალსაზრისით. იოგას მასწავლებელს შეუძლია იხელმძღვანელოს იოგას სწავლებით, ანატომია-ფიზიოლოგიის ცოდნით, მაგრამ კონკრეტული დიაგნოზის შეფასება, არ წარმოადგენს მის კომპეტენციას. ამიტომ, ექიმმა უნდა განსაზღვროს, რამდენად მიზანშეწონილია ფიზიკური დატვირთვა და ა.შ. უნდა გავითვალისწინოთ, რომ მედიცინა დაყოფილია დარგებად და ყველა დარგს თავისი სპეციალისტი ჰყავს და ერთი დარგის სპეციალისტი არ განსაზღვრავს სხვა დარგის პრობლემებს. დამაკმაყოფილებელია, რომ ექიმს საკუთარი მრავალწლიანი სწავლითა და გამოცდილებით თავის სფეროში შეეძლოს სწორი დიაგნოზის დასმა და პაციენტისთვის გამოსავლის შეთავაზება. შესაბამისად, იოგას ინსტრუქტორმა არ უნდა აიღოს საკუთარ თავზე ის, რაც მისკომპეტენციაში არ შედის. ექიმების შეცდომა. მეორე მხრივ კი, არის შემთხვევები, როდესაც ექიმი აჭარბებს საკუთარ კომპეტენციას და იოგას აკრძალვა/რეკომენდაციის მიცემისას ხელმძღვანელობს მხოლოდ საკუთარი ვიწრო შეხედულებით იოგაზე. თუ ექიმი არ იცნობს იოგას კონკრეტულ სახეობებს, ვარჯიშებს, მიმდინარეობებს და ა.შ., რომლებიც ერთმანეთისგან ძალიან განსხვავდებიან, მაშინ მისი რჩევა დამაბნეველი უფროა პაციენტისთვის, ვიდრე სასარგებლო რჩევა. განუკურნებელი დაავადებები. ვიცი, რომ იოგას ხანდახან ისეთი ადამიანები მიმართავე, რომელთათვისაც იოგა ბოლო იმედია ან იოგას უყურებენ, როგორც ალტერნატიულ მედიცინას. ადამიანი, მძიმე დიაგნოზით არ დაზოგავს არაფერს, მათ შორის ფინანსურ რესურსსაც კი, რათა სცადოს ყველაფერი, რამაც მდგომარეობის გაუმჯობესება შეიძლება მოუტანოს. ასეთი შემთხვევების შესახებ მსმენია და ისიც გამიგია, თუ რამდენად უნამუსოდ თხოვენ დიდ თანხას „გამოჭერილ პაციენტს". თუ მდგომარეობა ათიდან ერთს მაინც გაუუმჯობესდა, რაც ძალიან რთული სათქმელია როგორ მოხდა, ვინაიდან, შესალოა, პარალელურად მედიცინასაც მიმართავდა, ასეთი მასწავლებელი ამ განკურნებას საკუთარ თავს მიაწერს და თუ ვერ განიკურნა, მაშინვე პაციენტს აბრალებს. ჩემი აზრით იოგას პრაქტიკა ყველა შემთხვევაში სასარგებლოა, მთავარია ვიცოდეთ, რას უნდა ველოდეთ. ორი რჩევა მაქვს ასეთი ადამიანებისთვის, ვისაც ამდენად დიდი მოლოდინი აქვს, პირველი, შეხედეთ თანამედროვე კვლევებს, სად გადის იოგას შესაძლებლობების ზღვარი და მეორე, დაავადების შემთხვევაში განსაკუთრებული თანხის გადახდა არ არის საჭირო, რადგან მაინც იგივე მეთოდს იღებთ, რასაც ჯანმრთელი ადამიანი. გიორგი ბერძენიშვილი
მასმედია
- უძველესი ფილოსოფია და თანამედროვე მსოფლიოს არჩევანი “ჩვენ ვცხოვრობთ ძალიან შაბლონურად; ჩვენი აღქმა გარესამყაროს მიმართ უკიდურესად შეზღუდული და ერთგვაროვანია. - ვცხოვრობთ როგორც მატრიცაში მაშინ, როცა ცხოვრება გაცილებით დიდი, მშვენიერი და უფრო მეტი პოტენციალის მატარებელია. იოგა ეხმარება ადამიანს გათავისუფლდეს ხელოვნურად შექმნილი ბორკილებისგან და შეიგრძნოს ცხოვრება მთელი თავისი მშვენიერებით”. გიორგი ბერძენიშვილი ...დასრულდება სამუშაო საათები და სუფთა, წყნარი, მოწესრიგებული ქუჩები სპორტულ ფეხსაცმელსა და ტანისამოსში გამოწყობილი ადამიანებით ივსება. ირგვლივ მიმოიხედავ და აღმოაჩენ, რომ შენს გარშემო ყველა დარბის - მოხუცი, ახალგაზრდა, ქალბატონი, მამაკაცი… დატვირთული სამუშაო დღის შემდეგ ადამიანები განტვირთვას სწორედ ასე ახერხებენ. ყოველი ფეხის ნაბიჯზე, ყველა ქუჩასა და გამზირზე იოგას ფართო-ვიტრაჟიანი დარბაზები იპყრობენ მზერას - აქ, ქალაქის ულამაზესი ხედების ფონზე, ადგილობრივი მოსახლეობა სულიერი სიმშვიდისა და ფიზიკური ჯანმრთელობის შესანარჩუნებლად სიამოვნებით მედიტირებს. რად უნდა მტკიცება იმას, რომ საოცარია პარიზის ლუვრი, რომის კოლიზეუმი, ვენის შტეფანს დომი... მაგრამ მე თუ მკითხავთ, ის, რაზეც დასაწყისში ვისაუბრე, ევროპის არანაკლები ღირსშესანიშნაობაა, თანაც ჩვენისთანა ერისთვის, რომელთა ქვეყანაშიც მხოლოდ ეპატაჟური ტიპები თუ დარბიან თბილისის ხმაურიანი ქუჩების ბორდიურებზე. იოგა კი, მიუხედავად იმისა, რომ დღეს ის თბილისში ძალიან მოდურია, ბევრი ვერ ახერხებს მის ცხოვრების წესად გადაქცევას. საამისოდ სურვილთან ერთად ცოტა მონდომებაცაა საჭირო. მოდი, დღეიდან გადავდგათ პირველი ნაბიჯი და სანამ იოგას დარბაზში შევაბიჯებდეთ, მის შესახებ ცოტა მეტი შევიტყოთ: იამა – თვითკონტროლი; ნიამა – თვითრეგულაცია; ასანა – სხეულის პოზები; პრანაიამა – სუნთქვითი ვარჯიშები, რომლის მეშვეობითაც გონების კონტროლს სწავლობ; პრატიაჰარა – გრძნობათა კონტროლი; დჰარანა – კონცენტრაცია; დჰიანა – მედიტაცია; სამადჰი – ზეცნობიერების მდგომარეობა. - ეს ის მთავარი რვა ნაწილია, რომლებისგანაც შედგება იოგას პირველი სახელმძღვანელო “იოგასუტრა”. იგი ძვ.წ.აღ.-ის II საუკუნეში დაიწერა. იოგა ძველი ინდოელებისთვის ცხოვრების ფილოსოფია იყო, რომელსაც ადამიანი მედიტაციამდე და შემდეგ უკვე ჭეშმარიტების შეცნობამდე მიჰყავდა. მე-15 საუკუნით თარიღდება ტექსტი - ჰათჰა იოგა პრადიპიკა - იგი ჰათჰა იოგას პრაქტიკის პირველი წიგნია. სწორედ ეს წიგნი დაედო საფუძვლად ჩვენს თანამედროვეობაში გავრცელებულ იოგას, რომელიც ჯანმრთელობის რეაბილიტაციის, სხეულის გაკაჟების და ორგანიზმის გაახალგაზრდავების საუკეთესო საშუალებად მიიჩნევა. ჰათჰა იოგა ფართოდაა გავრცელებული ევროპასა და ამერიკაში და მას მილიონობით ადამიანი მისდევს ფიზიკური ჯანმრთელობის შესანარჩუნებლად და სტრესისაგან გასათავისუფლებლად. კარგი განწყობა; ზურგის ტკივილის მოხსნა; ათლეტური აღნაგობა; კარგი კონცენტრაცია; მეტი ენერგია; მშვიდი ძილი. - ეს იმ სიკეთეების ჩამონათვალია, რომელთა მიღწევასაც ჰათჰა იოგა გვპირდება. ვნახოთ მართლაც ასეა თუ არა. - იოგაზე სასაუბროდ საქართველოს იოგას ფედერაციის პრეზიდენტს, გიორგი ბერძენიშვილს ვესტუმრეთ. “იოგას ის სახეობა (ჰათჰა), რომელიც დღეს მთელს მსოფლიოშია პოპულარული, მიჩნეულია როგორც ფიტნესი. თუმცა ის ფიტნესზე უფრო მეტია. ის ფილოსოფია და ცხოვრების წესია. სხეულს ვერ გაავაჯიშებს ადამიანი, თუ მან საკუთარ თავში ბოლომდე არ გააცნობიერა ამის აუცილებლობა და შინაგან მზაობას არ მიაღწია. აქვე აუცილებელია ჩვენმა საზოგადოებამ გაიაზროს, რომ იოგა - ეს უფრო ჯანმრთელობის შენარჩუნებისთვის არსებობს და არა დაავადებათა სამკურნალოდ. რა თქმა უნდა, სხვადასხვა დაავადებებთან ბრძოლაში ადამიანს იოგა ეხმარება, თუნდაც იმისთვის, რომ მან შინაგანად გამოძებნოს ძალა წინააღმდეგობის დასაძლევად, საფრთხესთან გასამკლავებლად. მაგრამ ეს მაინც იმ ადამიანებისთვისაა, რომელთაც უნდათ გაიუმჯობესონ საკუთარი მდგომარეობა იმ სტრესულ გარემოში, რომელში ყოფნა, ცხოვრება და აქტივობა უწევთ. ჩვენს ქვეყანაში ბევრს უჭირს ცხოვრების წესის შეცვლა, მათ ყოველდღიურობაში რაღაც ახლის შემოტანა. ეს არის მთავარი ბარიერი, რის გამოც, სურვილის მიუხედავად, ვარჯიშს ვერა და ვერ იწყებენ. მსურს ყველას ვუთხრა, არ არის საჭირო, იდეალური ადამიანი გახდე იმისთვის, რომ იოგას ასანები აკეთო. დაიწყე ისე, როგორც შეგიძლია და სრულყოფილებისკენ ნელ-ნელა, ნაბიჯ-ნაბიჯ წადი. და თუ მცირედით მაინც მიუახლოვდები მას, ჩათვალე, რომ წარმატებას უკვე მიაღწიე.” - აღნიშნავს გიორგი ბერძენიშვილი. მისი თქმით იოგა გეხმარება, გამოძებნო საკუთარ თავში ძალა, რომ ცხოვრებას უფრო ჯანსაღად შეხედო; გაუსწორო თვალი მოვლენებს, რომლებიც შენს თვალწინ ელვის სისწრაფით იცვლებიან; შეინარჩუნო იდეალური სიმშვიდე და წონასწორობა. “ჩვენ ვცხოვრობთ ძალიან შაბლონურად. ჩვენი აღქმა გარესამყაროს მიმართ ძალიან შეზღუდული და ერთგვაროვანია. ვცხოვრობთ როგორც მატრიცაში მაშინ, როცა ცხოვრება გაცილებით დიდი, მშვენიერი და უფრო მეტი პოტენციალის მატარებელია. იოგა ეხმარება ადამიანს გათავისუფლდეს ხელოვნურად შექმნილი ბორკილებისგან და შეიგრძნოს ცხოვრება მთელი თავისი მშვენიერებით”. იოგა არის ადამიანის კავშირი სამყაროსთან, როგორც აბსოლუტთან - სიტყვასიტყვით თუ გადმოთარგმნი, იგი “ერთიანობას” ნიშნავს. იოგა ადამიანის შინაგანი თავისუფლებისკენ მიმავალი გზაა, რომელსაც ნებისმიერ დროს, ნებისმიერ ასაკში შეიძლება დაადგეს ადამიანი. ვფიქრობ, მცირე რამ შევიტყეთ ჩვენში უკვე ყბადაღებული, მაგრამ მაინც უცხო და შორეული იოგას შესახებ. ალბათ, დროა, ჩვენც მოვიმარჯვოთ ჭილობი, გამოვეწყოთ შესაბამისად და დავადგეთ გზას იოგას გაკვეთილებისკენ. იმედია, უძველესი ინდური ფილოსოფიით შეზავებული ასანები სტრესსა და დაღლილობასთან გამკლავებაშიც დაგვეხმარება და ცხოვრებასაც სულ სხვაგვარად (გაცილებით ლამაზ რაკურსში) დაგვანახებს. სოფო ხუციშვილი სტატია მომზადებულია თიბისი ბანკის დაკვეთით

© 2016 იოგას ფედერაცია