უტტჰიტა ნიშნავს გაჭიმულს, დაგრძელებულს; ტრიკონა (ტრი — სამი; კონა — კუთხე) ნიშნავს სამკუთხედს. ეს გახლავთ გაჭიმული სამკუთხედის პოზა.
შესრულების ტექნიკა
1. დადექით ტადასანაში (ფოტო 1).
2. ღრმად შეისუნთქეთ, ნახტომით ფეხები განზე გაშალეთ 90-105 სმ-ით. ხელები მხრების სიმაღლეზე განზე გაშალეთ, ხელისგულები იატაკისკენაა მიმათული (ფოტო 3). ხელები იატაკის პარალელურად შეინარჩუნეთ.
3
3. მარჯვენა ტერფი 90 გრადუსით მარჯვნივ შეაბრუნეთ. მაცხენა ტერფი ოდნავ მარჯვნივ შეაბრუნეთ, მიაქციეთ ყუადღება, რომ მარცხენა ფეხი შიგნით გამართოთ, ხოლო მარცხენა მუხლი მოჭიმოთ.
4. ამოისუნთქეთ, ტანი მარჯვენა მხარეს გვერდულად დახარეთ, მარჯვენა ხელისგული მარჯვენა კოჭთან მიიტანეთ. თუ შეძლებთ, მარჯვენა ხელისგული მთლიანად უნდა ეხებოდეს იატაკს (ფოტო 4, 5).
4
5
5. მარცხენა ხელი ზემოთ გაჭიმეთ (როგორც ნაჩვენებია), ისე, რომ მარჯვენა მხართან ერთ ხაზზე აღმოჩნდეს და ტანიც წააგრძელეთ. ფეხების უკანა ნაწილები, მენჯი და ზურგი ერთ ხაზზე უნდა იყოს. მზერა მარცხენა ხელის ცერზე გადაიტანეთ. მიაქციეთ ყურადღება, რომ მარჯვენა მუხლი ჩაკეტილი იყოს, ამისთვის მუხლი მოჭიმეთ და მიმართეთ იგი მარჯვენა ფეხის თითებისკენ.
6. ამ პოზაში 30 წამიდან — 1 წუთამდე დაყოვნდით. თანაბრად და ღრმად ისუნთქეთ. მაჯვენა ხელისგული იატაკიდან ასწიეთ. შეისუნთქეთ და მე-2 პოზიციას დაუბრუნდით.
7. ახლა მარცხენა ტერფი 90 გრადუსით მარცხნივ შეაბრუნეთ, მარჯვენა ტერფი კი — ოდნავ მარცხნივ, ორივე მუხლი მოჭიმეთ და მე-2 დან მე-6 პოზიციამდე საპირისპირო პოზიციები განაგრძეთ. შეისუნთქეთ და მე-2 პოზიციას დაუბრუნდით. მარცხენა მხარესაც იგივე დროით შეინარჩუნეთ პოზა.
8. ამოისუნთქეთ და ნახტომით ტადასანას პოზიციას დაუბრუნდით (ფოტო1).
ეფექტი
ამ ასანას ტონუსში მოჰყავს ფეხის კუნთები, ბარძაყებსა და მენჯ-ბარძაყის სახსრებს მოქნილს ხდის. გარდა ამისა, ასწორებს ფეხების ნებისმიერ მცირედ დეფორმაციას და კუნთების თანაბარზომიერ განვითარებას ხელს უწყობს. ტრიკონასანა ამცირებს ზურგის ტკივილებს, ხსნის კისრის დაძაბულობას, აძლიერებს კოჭის სახსრებს და ავითარებს გულმკერდს.