პარივრიტტა შებრუნებულს, უკან მიმართულს ნიშნავს. ტრიკონა — სამკუთხედს. ეს გახლავთ შებრუნებული სამკუთხედის პოზა. იგი უტჰიტტა ტრიკონასანას საპირისპიროა (ფოტო 4).
შესრულების ტექნიკა
1. დადექით ტადასანაში (ფოტო 1). ღრმად შეისუნთქეთ, ნახტომით ფეხები განზე გაშალეთ 90-105 სმ-ით. ხელები მხრების სიმაღლეზე განზე გაშალეთ, ხელისგულები იატაკისკენაა მიმათული (ფოტო 3). ხელები იატაკის პარალელურად შეინარჩუნეთ.
2. მარჯვენა ტერფი 90 გრადუსით მარჯვნივ შეაბრუნეთ, ხოლო მაცხენა ტერფი 60 გრადუსით მარჯვნივ შეაბრუნეთ, მიაქციეთ ყუადღება, რომ მარცხენა ფეხი შიგნით გამართოთ, ხოლო მარცხენა მუხლი მოჭიმოთ.
3. ამოისუნთქეთ, ტანი მარცხენა ფეხის საპირისპიროდ შეაბრუნეთ (მარჯვნივ), ისე, რომ მარცხენა ხელისგული მარჯვენა ტერფის გარეთ იატაკზე დადოთ.
4. მაჯვენა ხელი ზემოთ გამართეთ, ისე, რომ მარჯვენა მხართან ერთ ხაზზე იყოს. უყურეთ მარჯვენა ცერა თითს (ფოტო 6 და 7).
6
7
5. მუხლის სახსები გამართეთ. მარჯვენა ფეხის თითები არ ასწიოთ იატაკიდან. მაცხენა ტერფის გარეთა მხარე კარგად უნდა ეყრდნობოდეს იატაკს.
6. მხრებიც და ბეჭებიც განზე გაშალეთ.
7. პოზაში 30 წამის განმავლობაში დაყოვნდით და მშვიდად ისუნთქეთ.
8. შეისუნთქეთ, მარცხენა ხელი იატაკიდან ასწიეთ, ტანი საწყის პოზიციაში შეაბრუნეთ და პირველ პოზიციაში დაბრუნდით.
9. ამოისუნთქეთ, პოზა მარცხენა მხარესაც გაიმეორეთ, მარცხენა ტერფი 90 გრადუსით მარცხნივ შეაბრუნეთ და მარჯვენა ტერფი 60 გრადუსით მარცხნივ. მაჯვენა ხელისგუული მარცხენა ტერფის გარეთ იატაკზე მოათავსეთ.
10. ორივე მხარეს თანაბარი დროით დაყოვნით. ეს შეგიძლიათ სუნთქვით განსაზღვროთ, მაგალითად, თითო მხარეს 3-4 ღრმა სუნთქვა დაითვალოთ.
11. დასრულებისას შეისუნთქეთ, ტანი გამართეთ და საწყოს პოზიციას დაუბრუნდით, ფეხის თითები წინ დააბრუნეთ და ხელები პირველ პოზიციაში გადაიტანეთ.
12. ამოისუნთქეთ და ნახტომით ტადასანაში დაბრუნდით (ფოტო 1). ასე სრულდება ეს პოზა.
ეფექტი
ამ პოზას ტონუსში მოჰყავს და ამკვრივებს ბარძაყის, თეძოს და წვივის კუნთებს. იგი აუმჯობესებს სისხლის მიმოქცევას ზურგის არეში და წელის კუნთების სწორ მუშაობას უზრუნველჰყოფს. გულმკერდი ფართოვდება. ეს პოზა ამცირებს ზურგის ტკივილებს და მუცლის ღრუს ორგანოებს აძლიერებს.