ბევრი ადამიანი არ აფასებს თხილეულის სარგებლიანობას, არადა თხიეული ჯანსაღი ცხიმების, ცილებისა და სხვა სასარგებლო საკვები ნივთიერებების საუკეთესო წყაროა.
საინტერესო აღმოჩენაა, როდესაც ჰარვარდის 32 წლიანი კვლევების შედეგად ვიგებთ, რომ მათ, ვინც რეგულარულად იღებენ თხილეულს, ნაკლებ ემართებათ გულის შეტევები და ნაკლებად ავადდებიან გულსისხლძარღვთა დაავადებებით, ვიდრე მათ, ვინც თხილეულს იშვიათად იღებს. FDA (ამერიკის საკვებისა და მედიკამენტების ადმინისტრაცია) თხილეულისა და თხილეულ შემცველი საკვების შესახებ ამბობს, რომ დიეტა, რომელიც დღეში 30 გრამ (დაახლოებით ერთ მუჭა) თხილეულს მოიცავს, გულსისხლძარღვთა დაავადებების რისკს ამცირებს.
თხილეული არაერთი თვალსაზრისითაა სასარგებლო.
- ის უჯერი ცხიმები, რომლებსაც თხილეული შეიცავს, ცუდი ქოლესტერინის (LDL) შემცირებაში ეხმარება და მაღლა სწევს კარგ ქოლესტერინს (HDL).
- მაგალითად, ნიგოზი შეიცავს უჯერ ცხიმებს, რომლებიც წარმოადგენენ ომეგა 3-ის მჟავებს, რაც ხელს უწყობს გულის რიტმის რეგულირებას. ომეგა 3 აგრეთვე იცავს სისხლძარღვებს კოლტის წარმოქმნისგან.
- თხილეული შეიცავს ამინომჟავების ისეთ ჯგუფს, რაც სისხლძარღვების დაძაბულობას ხსნის და ხელს უწყობს სისხლის მიმოქცევას.
- თხილეული უხვად შეიცავს E ვიტამინს, ფოლიუმს, კალიუმს, უჯრედისს და სხვა ნივთიერებებს, ასავე, სხვადასხვა სახის თხილეული განსხვავებულია თავის შემადგენლობითაც და სარგებლიანობითაც. ამიტომ, კარგი იქნება, თუ რაციონში ერთი სახეობის თხილეულს პერიოდულად სხვა სახეობით შევცვლით.
რაც შეეხება ზომიერებას, თუ დღიურ რაციონში 30 გრამ თხილეულს ჩავრთავთ, ამის სანაცვლოდ საკვების რაოდენობა უნდა შევამციროთ. რადგან 30 გრამი (ერთი მუჭა) თხილეული დაახლოებით 185 კალორიას შეიცავს, ამიტომ დღიური რაციონიდან სხვა საკვები უნდა ამოვაგდოთ, წინააღმდეგ შემთხვევაში შესაძლოა წონა მოვიმატოთ. უმჯობესია, თუ თხილეულით რამე არაჯანსაღ სასუსნავს ჩავანაცვლებთ. შესაძლოა თხილეულის მიღება ცაკვე საკვებ პორციადაც განვიხილოთ დღის განმავლობაში.