წლების მანძილზე ვებრძოდი ჭარბ წონას. რა სახის დიეტისთვის, შიმშილობისთვის, ვარჯიშისთვის, ენდოკრინოლოგებისთვის, მასაჟებისთვის არ მიმიმართავს. მყისიერი შედეგი ყველგან და ყოველთვის იყო, ზოგან - უკეთესი, ზოგან - უარესი, მაგრამ გრძელვადიანი შედეგი მუდამ ერთი იყო - წონა ისევ უკან ბრუნდებოდა, და ხშირ შემთხვევაში გაორმაგებულიც.
დაახლოებით 8 თვის წინ გადავწყვიტე, რომ აუცილებლად უნდა შემეცვალა ჩემი დამოკიდებულება ჩემს წონასთან. ან საბოლოოდ შევგუებოდი მას, ან სამკვდრო-სასიცოცხლო ბრძოლა გამომეცხადებინა. ამისათვის უნდა მეპოვა ისეთი მეთოდი, რომელიც არც ჩემს საკმაოდ დაძაბულ და გრძელ სამუშაო გრაფიკს შეუქმნიდა პრობლემას და არც ჩემს ფსიქიკაზე იმოქმედებდა უარყოფითად.
გადავწყვიტე იოგასთვის მიმემართა და იოგას სახლს ვესტუმრე. ვარჯიშებთან ერთად მივიღე ძალიან სასარგებლო რჩევები ჩემი იოგას მასწავლებლისგან. მისგან გავიგე კვების რეჟიმის აუცილებლობის, განცალკევებული კვების სასიკეთო თვისებების, წყლის მიღების თავისებურებებისა და კალოერიების სიტემის შესახებ. ეს ინფორმაცია აგრეთვე დევს ვებ-გვერდზე www.yoga.ge. აგრეთვე სხვა საიტებზეც მოვიძიე დამატებით ინფორმაცია.
ეს ყველაფერი შევაჯერე, და შევიმუშავე ჩემთვის მისაღები პრინციპი, რომელსაც ვიყენებ უკვე 7 თვეა და შედეგად 34 კილოგრამით შევმსუბუქდი. ჩემს იდეალურ წონაზე ვარ.
რაც ეხება მეთოდს
ეს არ არის დიეტა, ეს არის ცხოვრების წესი, რომელიც პირველ ეტაპზე დაგეხმარება წონის დაგდებაში და შემდგომ მის მუდმივ შენარჩუნებაში.
მთავარი კითხვა: რა არის შენთვის უფრო მნიშვნელოვანი წუთიერი სიამოვნება გემრიელი საჭმლით, თუ გრძელვადიანი და მნიშვნელოვანი ნაბიჯი ჯანმრთელობის გზაზე?
წონას ინარჩუნებს მხოლოდ ის ორგანიზმი, რომელიც ზუსტად იმდენ ენერგიას ხარჯავს, რამდენ ენეგეტიკულ ღირებულებასაც იღებს საკვებიდან. შესაბამისად წონის დაგდების სურვილის შემთხვევაში უნდა მიიღო იმაზე ნაკლები ენერგია ვიდრე ხარჯავ. ენერგეტიკული ღირებულება გამოიხატება კალორიებში. ამიტომ წონის კორექციის პირველ ეტაპებზე მნიშვნელოვანია კალორიების დათვლა (კალორიების ცხრილი არის მბულში. თუ რომელიმე პროდუქტის კალორიულობა არ არის მითითებული ამ ცხრილში, მოიძიე ინტერნეტში), ჩვენ უნდა შევუქმნათ კალორიების დეფიციტი ორგანიზმს, ანუ მივიღოთ იმაზე გაცილებით უფრო ნაკლები კალორია, ვიდრე ჩვენი ორგანიზმი არის მიჩვეული. მაგრამ კალორიებთან ერთად უნდა გავითვალისწინოთ, რომ ყველანაირ პროდუქტს, იქნება ეს ხილი თუ ბოსტნეული, გააჩნია უნარი ხელი შეუწყოს ან შეუშალოს ცხიმების წვას ორგანიზმში, ამიტომ კალორიებთან ერთად იმაზეც უნდა ვიფიქროთ, თუ რა სახის საკვებს ვიღებთ მათი ცხიმთან დამოკიდებულების გათვალისწინებით.
პროდუქტების დაყოფა მათი ცხიმების წვასთან მიმართებაში
ზოგი პროდუქტი აძლიერებს ცხიმების წვას და მათი მიღებისას შეგვიძლია მხოლოდ კალორიულობა გავითვალისწინოთ. მაგალითად:
ხილი ბოსტნეული
მწვანე ვაშლი კომბოსტო
ანანასი ყვავილოვანი კომბოსტო
ნიახური
ნიახურის ძირები
ისპანახი
მომჟავო ხილი
იმბირი (ჯინჯერი)
***ცოცხალი სახით მიღებული ეს პროდუქტი ორმაგად უფრო გააძლიერებს ორგანიზმის მეტაბოლიზმს (გადამუშავების უნარს).
** ხილის წვენის შესახებ: ხილის მიღება ყოველთვის სჯობს არა წვენის სახით, არამედ ცოცხლად, კანიანად და დაუჭრელად. ამისათვის რამდენიმე საფუძველი არსებობს:
- წვენში არ არის უჯრედისი ნაწილაკები, რომელიბიც ეხმარება ორგანიზმს დაძლიოს ცხიმი;
- ყველა დანის მიკარებაზე ხილის და ბოსტნეულის ის ადგილები, რომელსაც რკინა მოხვდა თითმის 50%-ით კარგავს თავის პირვანდელ საკვებ ღირებულებას;
- კანში და კანთან ახლოს მდებარეობს ყველაზე მეტი ვიტამინი და უჯრედისი ფენა.
* თუ მაინცდამაინც ფრეში გინდა რომ დალიო, მოითხოვე გაუწურავი ფრეში, ხილის ჩენჩოც (პულპ) რომ იყოს ჩატოვებული.
დაბალკალორიული პროდუქტები, რომლებიც მხოლოდ კალორიულობით შეგვიძლია განვსაზღვროთ და მივიღოთ. მაგალითად:
ხილი ბოსტნეული
გარგარი სოკო
ფორთოხალი ბადრიჯანი
ვაშლი ბროკოლი
ატამი მწვანე ბულგარული წიწაკა
ქლიავი ხახვი
ალუბალი კიტრი
მარწყვი პომიდორი
ჟოლო სალათის ფურცლები
გრეიფრუტი ნიორი
ალუჩა ბოლოკი
მსხალი მწვავე ლობიო
სხვა კენკროვანი ხილი პრასი
ჭარხლის ფოთოლი
ფხალი
მაღალკალორიული პროდუქტი, რომლებიც ასევე მხოლოდ კალორიულობით შეგვიძლია განვსაზღვროთ და მივიღოთ, განეკუთვნებიან ცილების კატეგორიას:
თხილეული (100 გრამში ~ 700 კალორიაა, მაგრამ ძალიან ჯანმრთელი პროდუქტია)
მჭლე ხორცეული
მწვადის უქონო ნაჭრები (იმიტომ რომ მისი შეწვის დროს არ გამოიყენება ცხიმი)
ქათამი კანის გარეშე
კვერცხი
ყველეული
თევზეული (ცხიმიანი თევზის გარდა)
ხაჭო (უცხიმო)
არა ცილების კატეგორია:
მაწონი (სოფლის არა, მაღაზიის დაბალ ცხიმიანი)
ჰერკულესი
წიწიბურა
ბრინჯი
ჭვავის პური (თუ მაინცდამაინც მოგინდება პური)
იოგურტი
თაფლი
პროდუქტების დაყოფა მცირე დოზებით მისაღებ და მიუღებელ საკვებად:
კატეგორიულად არ იკრძალება, მაგრამ მაქსიმალურად უნდა მოერიდო
ბოსტნეულს
კარტოფილი
სტაფილო
ჭარხალი
ნებისმიერი სახის ფქვილეული
მაკარონი
სიმინდი
ჩირები
ხმელი ლობიო
ყაბაყი
გოგრა
ხილს (ზოგადად ტკბილ ხილს)
ლეღვი
ყურძენი
თუთა
ბალი
ბანანი
საზამთრო
კივი
მანგო
კატეგორიულად იკრძალება
მაიონეზი
კონსერვირებული პროდუქტები
ღორის ხორცი
ვიჩინები
სოსისები და ძეხვეული
შებოლილი ხორცეული
უხვმარილიანი პროდუქტი, რომელიც უზომო რაოდენობით წყალს მიგაღებინებს
კარაქი
მარგარინი და ზეთები (ზეითუნის ზეთის გარდა)
ცხიმიანი თევზი (სათალი, ორაგული..)
ლუდი!!! დაივიწყე ლუდის არსებობა!!!!
ტკბილი ღვინოები
შამპანიური
ლიქიორები ტკბილი
ჩიფსები
მარიალიანი თხილი (ცოცხალი მარილი აკავებს წყალს ორგანიზმში დიდი ხნით)
პოპკორნი
გაზიანი ტკბილი და მინერალური სასმელები (პირდაპირ მიმართულია ცხიმების კარგად შენახვაზე)
ხილის წვენები დაფასოებული (არ აქვს მნიშვნელობა რა აწერია ყუთს და რამდენად ძვირადღირებულია!! )
სასარგებლო რჩევები:
** იფიქრე იმაზე, რომ ასეთი მიდგომა შენი კვების მიმართ წონის დაკლებაზე კი არ არის კონცენტრირებული, არამედ ორგანიზმის გაჯანსაღებაზე და ჯანმრთელი სიცოცხლის გახანგრძლივებაზე, რისი შედეგიც აუცილებლად წონის კლება იქნება!
** არ აიწონო ყოველ დღე!!! მხოლოდ კვირაში ერთხელ. წონის პატარა + - ცვლილებამ შეიძლება უფრო დაგძაბოს. მოეშვი. კვირაში ერთხელ ნახავ რომ წარმატება გაქვს!
** არ მიიღო არანაირი საკვები საღამოს 6 საათის შემდეგ, თუ შეძლებ 4-5 საათის შემდეგ;
** არ მიიღო არანაირი ხილი 4-5 საათის შემდეგ;
** ყოველდღიურად შემწვარ-მოხრაკულის მაგივრად ცოცხალი ხილის, ბოსტნეულის და მოხარშული ხორცეულის მიღება სჯობს;
** გრილზე და მწვადის შეწვის მეთოდით, უცხიმოდ, შემწვარი ყველაფერი შეიძლება, გარდა კატეგორიულად აკრძალული პროდუქტების;
** ეცადე საკვები არ იყოს ძალიან მრავალფეროვანი ერთ მიღებაზე. მაგალითად თუ ჭამ თევზს, აღარ შეჭამო ხორცი იმავე სადილის დროს.
** რაც უფრო კალორიული და ცხიმიანია საკვები მით უფრო ადრე უნდა მიიღო ის დღის განმავლობაში! ეს არის ოქროს წესი! საღამოს საათებში ყველაზე ოპტიმალურია ცილების მიღება.
** ეცადე, რაც შეიძლება ცოტა მარილი მიიღო, არ ჭამო ძალიან მლაშე ყველი და თევზი.
** დილა დაიწყე ხილით. უმჯობესია ერთი სახის ხილი ჭამო ერთ ჭამაზე, და არა მაგალითად ხილის სალათი. თუმცა დილით მაინც აიტანს ორგანიზმი J ;
** კიდევ ერთი ოქროს წესი: ჭამე ხილი საკვების მიღებამდე სულ მცირე 30 წუთით ადრე, და არავითარ შემთხვევაში არ დააყოლო “დესერტად” ხილი საჭმელს. Mმხოლოდ ჭამის დასრულებიდან 2 საათის მერე მიიღე ხილი;
** ზუსტად იგივე წესი მოქმედებს წყალზე. ძალიან ცუდია წყლის დალევა საკვების მიღებისას; სხვა შემთხვევაში დალიე მაშინ როცა გწყურია, და არ არის აუცილებელი 2 ლიტრით გამოჭყეპვა, ეგ არის სისულელე!!! საკვებში საკმარისზე მეტი წყალი შედის!
** კარგია წყლის დალევა დილით უზმოზე; არ დალიო გაყინული, მაცივრის წყალი!!! სტრესში აგდებს ორგანიზმს, და დიდხანს ვეღარ მოდის აზრზე, ამიტომ ყველა სხვა პროცესი ნელდება.
** თუ ძალიან მოგინდა ტკბილი, იყიდე მოხალული თხილი ან ნუში და თაფლთან ერთად ჭამე, გექნება გოზინაყი წლის ნებისმიერ დროს. თხილი სჯობს ამ შემთხვევაში, იმიტომ რომ ნიგოზში უფრო მეტი კალორიაა და მეტი ცხიმი; მაგრამ ნუ მიეძალები თაფლს გახსოვდეს, რომ ერთ ჩაის კოვზში 61 კალორიაა და ცხიმებთან მიმართებაში მაღალი ინდექსი 90 აქვს! მაგრამ რადგან ორგანულია, მაიც ნებისმიერ სხვა ტკბილეულს ჯობია!
** ტკბილეული რომ ერთიდაიგივე არ იყოს ყოველთვის, ჩაანაცვლე თხილი თაფლიანი ხაჭოთი;
** დაწვი მაქსიმალური რაოდენობის კალორია დღეში, ლიფტის მაგივრად ჩადი და ადი ფეხით, ივარჯიშე, იარე. პატარა ცვლილებაც კი კარგია საწყის ეტაპზე;
** სუფრასთან:
- ეცადე ჩამოყალიბდე რის მიღებას აპრებ. თუ იღებ თევზეულს, ნუ მიეძალები ასევე ხორცეულს, შემოიფარგლე თევზით, ბოსტნეულით.
- ღვინო თუ უნდა დალიო, დალიე მშრალი ღვინო, მაგრამ უმჯობესია არაყი. თუკი რაიმე სახის ალკოჰოლი უნდა მიიღო, ისევ არაყი ჯობია.
- თუ მაინც ჭამე ის “რაც არ უნდა გეჭამა”, ეცადე 3 საათი მაინც არ დაიძინო და მაქსიმალურად იმოძრავო, იმის მაგივრად, რომ ტელევიზორის წინ წამოწვე და ჩაგთვლიმოს J
ეცადე მეორე დღეს გააკეთო განტვირთვის დღე მაწვნით, ვაშლით ან გამოხდილი წყლით;
** კალორიების დათვლა: აირჩიე რა წონაზე გინდა დახვიდე, გაამრავლე 2-ზე და დაუმატე ერთი ნული. ეს იქნება შენი დღიური კალორიების ნორმა. არ არის აუცილებელი თავიდანვე საბოლოო წონის შესაბამისი კალორიების ნორმა მიიღო. შეიძლება და უმჯობესიც არის ეს ეტაპობრივად გააკეთო, მიაღწევ სასურველ წონას და შემდეგ ახალი მიზანი დაისახო, კალორიების ახალი, უფრო შემცირებული ნორმით.
** არაფერი არ გააკეთო ძალით!! თუ არ გინდა რაღაცის გაკეთება, ვარჯიშია ეს თუ წყლის დალევა, ნუ გააკეთებ!! თუ მაინცდამაინც მოგინდა “ის რაც არ შეიძლება” არ დაიტანჯო თავი! შეჭამე, ოღონდ ცოტა. რამდენი ნერვიც უნდა მოგიკვდეს თავშეკავების დროს (სერიოზულად ზიანდება ფსიქიკა, როცა უყურებ რაღაცას რაც გინდა და არ ჭამ, იმიტომ რომ არ შეიძლება!!!! კვდება უამრავი ნერვული უჯრედი, რომელიც აღარ აღდგება!!) არ ღირს იმ 1 კილოგრამად, რომელიც შეიძლება მოიმატო. მაგ 1 კილოგრამს მოგვიანებით მიხედე, ვარჯიშზე! მოუსმინე შენს ორგანიზმს! ამას არ ვხუმრობ, და ნელ-ნელა ნახავ თვითონ . ჭამე ის, რასაც მოგთხოვს ორგანიზმი, თვალი კი არა, ორგანიზმი.
პირველი კვება დღის ადრე საათებში:
ხილი
მეორე კვება შუადღისას:
ბოსტნეული (შეიძლება მაღალინდექსიანი ბოსტნეულიც
კალორიების გათვალისწინებით) და ცილები
მესამე კვება შუადღის შემდეგ 4-6 საათებში:
მინიმალურად ბოსტნეული და მაქსიმალურად ცილები
თუ 6-ის მერე მოგიწევს ჭამა,
სასურველია მხოლოდ ცილები მიიღო (ყველი, ქათმის
ხორცი, მჭლე საქონლის ხორცი, კვერცხი, ხაჭო...)