იოგას ინსტრუქტორთა კურსი

კურსის ავტორი და ხელმძღვანელი — გიორგი ბერძენიშვილი

გიორგი ბერძენიშვილი არის იოგას მასწავლებელი, ფილოსოფიის მაგისტრი, ინდური ფილოსოფიის მკვლევარი და მთარგმნელი.

იოგით იგი 14 წლის ასაკში დაინტერესდა. ცოდნისა და პრაქტიკული გამოცდილების გასაღრმავებლად იმოგზაურა მსოფლიოს სხვადასხვა ქვეყანაში და სწავლობდა იოგას საერთაშორისო მნიშვნელობის მქონე მასწავლებლებთან. მის გამორჩეულ მასწავლებლებს შორის არიან მანჯუ პატაბჰი ჯოისი და დევიდ სვენსონი.

2006 წლიდან გიორგი ბერძენიშვილი საქართველოში ასწავლის იოგას და საკუთარ ცოდნასა და გამოცდილებას სხვადასხვა თაობის პრაქტიკოსებსა და მომავალ ინსტრუქტორებს უზიარებს.

2009 წელს იგი გახდა საქართველოს იოგას ფედერაციის ერთ-ერთი დამფუძნებელი და პრეზიდენტი. 2010 წელს კი დააფუძნა საქართველოში იოგას პირველი სპეციალიზებული ცენტრი — „იოგას სახლი“, რომელიც დღეს რამდენიმე ფილიალს აერთიანებს.

წლების განმავლობაში გიორგი ბერძენიშვილმა მოამზადა მრავალი იოგას ინსტრუქტორი, რომლებიც მუშაობენ როგორც „იოგას სახლში“, ისე საქართველოს სხვა იოგას ცენტრებში, ფიტნესკლუბებსა და საგანმანათლებლო სივრცეებში.

2020 წელს მან შექმნა იოგას ინსტრუქტორთა მომზადების განახლებული და ერთიანი პროგრამა, რომელიც საერთაშორისო საგანმანათლებლო სტანდარტების შესაბამისად არის აგებული და იოგას პრაქტიკულ, თეორიულ და სამეცნიერო მიმართულებებს აერთიანებს.

პროგრამა მოიცავს შემდეგ ძირითად დისციპლინებს:

• ასანა;
• პრანაიამა;
• მედიტაცია;
• ანატომია;
• ფიზიოლოგია;
• ბიომექანიკა;
• იოგას ისტორია;
• ეთიკა;
• ფილოსოფია;
• სწავლების მეთოდოლოგია.

გიორგი ბერძენიშვილის აკადემიური ინტერესების ძირითადი სფეროებია ინდური ფილოსოფია, იოგას ისტორია და ფილოსოფია, სანქჰიასა და იოგას სისტემები და მათი ინტერპრეტაცია დასავლურ ფილოსოფიურ ტრადიციაში.

მისი სამაგისტრო კვლევა ჰეგელის მიერ ინდური ფილოსოფიის ინტერპრეტაციასა და სანქჰიას პრობლემატიკას ეძღვნება.

გიორგი ბერძენიშვილი არის იოგასა და ინდურ ფილოსოფიასთან დაკავშირებული მნიშვნელოვანი ტექსტების ქართული თარგმანების ავტორი. მის თარგმანებს შორისაა:

• „იოგასუტრა“;
• „ჰათჰაიოგაპრადიპიკა“;
• „იოგა-მალა“;
• „იოგას ანატომია“.

იგი ასევე არის ბუდიზმისა და ინდური რელიგიების ცნობილი ამერიკელი მკვლევრის, დონალდ ს. ლოპესის ბუდისტურ მედიტაციასთან დაკავშირებული ტექსტების ქართული მთარგმნელი. კრებული, სახელწოდებით „ბუდისტური მედიტაცია“.