იოგას ინსტრუქტორთა კურსი

ვფიქრობ ერთადერთი სივრცეა სადაც იოგას აკადემიურ დონეზე ასწავლიან ამასთანავე გარემო არის ძალიან მყუდრო და მეგობრული ❤️მადლობა

იოგას აკადემია — ადგილი, სადაც სწავლა შინაგან გზად იქცევა ?‍♀️
ზოგჯერ არის სივრცეები, სადაც უბრალოდ რაღაცას სწავლობ, და არის ადგილები, რომლებიც ნელ-ნელა გცვლიან. ჩემთვის ეს იოგას აკადემია სწორედ ასეთი სივრცეა.
აქ იოგა მხოლოდ ასანების სწორად შესრულება არ არის. ის ბევრად მეტია — სხეულის მოსმენა, სუნთქვასთან დაბრუნება, გონების დამშვიდება და საკუთარ თავთან უფრო გულწრფელი შეხვედრა. განსაკუთრებით მომწონს, რომ სწავლება აერთიანებს ღრმა თეორიულ ცოდნასა და პრაქტიკულ გამოცდილებას — გვასწავლის არა მხოლოდ როგორ ვივარჯიშოთ, არამედ რატომ ვაკეთებთ ამას.
და ამ ყველაფრის უკან დგანან ადამიანები, რომლებიც ამ გზას კიდევ უფრო განსაკუთრებულს ხდიან — ჩვენი მასწავლებლები. მათი პროფესიონალიზმი, სიღრმე, ყურადღება და სიყვარული საქმისადმი იგრძნობა თითოეულ გაკვეთილში. ისინი მხოლოდ ცოდნას არ გვაწვდიან — გვაჩვენებენ, როგორ შეიძლება იოგა ცხოვრების ნაწილად, შინაგანი ზრდისა და ცნობიერების გზად იქცეს.
იოგაში ყველაზე მეტად ის მომწონს, რომ საბოლოო დანიშნულება თითქოს არ არსებობს — ყოველი პრაქტიკა ახალი აღმოჩენაა საკუთარ თავში.
“იოგა არის მოგზაურობა საკუთარი თავის გავლით, საკუთარი თავისკენ და საკუთარი თავის აღმოჩენამდე.“
მადლიერი ვარ ამ გზის, იმ ადამიანების და იმ სივრცის, სადაც ყოველდღე ვსწავლობ არა მხოლოდ იოგას, არამედ საკუთარ თავს. ?❣️

ეს კურსი იძლევა სრულფასოვან შესაძლებლობას რომ განვითარდე, არა მხოლოდ პროფესიულად, არამედ პიროვნულად. ✨ გაიცნო საინტერესო ადამიანები, შეიძინო ცოდნა, საკუთარ სხეულს ახლიდან დაუმეგობრდე და მიიღო კიდევ უამრავი ბენეფიტი საოცარ სივრცეში, რომელსაც კიდევ უფრო საოცარი ადამიანები ქმნიან ? განსაკუთრებული მადლობა გიორგის, რომელიც დარწმუნებით შემიძლია ვთქვა რომ იოგაზე მეტს ასწავლის ?? მარიამს, დაუღალავი ჩართულობისთვის ?? იას და თამარს განსაკუთრებული პრაქტიკებისთვის ?? ეს კურსი აღმოჩნდა ჩემთვის საკუთარ თავთან დაბრუნების გზა, რომელსაც დიდი სიამოვნებით კიდევ არაერთხელ გავივლიდი?

ეს კურსი მხოლოდ ინსტრუქტორებისთვის არ არის — ის საკუთარ თავზე მუშაობისთვისაც ძალიან კარგი სივრცეა. თუ მომავალში პროფესიულ განვითარებაზეც ფიქრობ, მით უმეტეს.

ჩემთვის მნიშვნელოვანი იყო საკუთარი თავისთვის ამ ახალი გამოცდილების მიცემა. იოგა ერთ-ერთი ის მიმართულებაა, საიდანაც ბევრი თანამედროვე მიდგომა იღებს ინსპირაციას, ამიტომ საინტერესო იყო საფუძვლების შესწავლა. როცა საფუძვლები იცი, შემდეგ მეტი თავისუფლება და მოქნილობა გაქვს, თავად აირჩიო, რომელი მიმართულებით გინდა წასვლა.

გიორგისთან მუშაობის პროცესში ყველაზე მეტად მის აკადემიურობას ვაფასებ. დღეს, განსაკუთრებით მაშინ, როცა იოგა ასეთი პოპულარული გახდა, ძალიან ბევრი სხვადასხვა ინფორმაცია გვხვდება და სწორი, აკადემიურად დასაბუთებული ინფორმაციის მიღება მნიშვნელოვანია. გიორგის შემთხვევაში იცი, რასაც გიზიარებს, რას ეყრდნობა. ჩემთვის ეს დიდი ღირებულებაა.

კურსმა მომცა უფრო სიღრმისეული კავშირი საკუთარ თავთან, მეტი კონცენტრაცია და საკუთარი თავის სხვანაირად გაგების შესაძლებლობა. ვფიქრობ, რაც უფრო კარგად იცნობ საკუთარ თავს, სხვებთან ურთიერთობაც უფრო მარტივი ხდება.

ჩემთვის განსაკუთრებით ღირებული იყო სხეულის ანატომიური და კინეზიოლოგიური შესწავლა. როდესაც სხეულთან ვმუშაობთ, მნიშვნელოვანია კარგად გვესმოდეს, რა ხდება ანატომიური თვალსაზრისით.

ამ კურსში დროის ინვესტიცია ნამდვილად საჭიროა. ხშირად იოგაზე წარმოდგენა მხოლოდ ასანებსა და მოძრაობებთან არის დაკავშირებული, მაგრამ სინამდვილეში ეს ბევრად უფრო სიღრმისეული მიმართულებაა და შესაბამისად დროსა და ჩართულობასაც მოითხოვს.

ამ კურსმა ძალიან შემცვალა. დღეს ბევრი საუბრობს ტრანსფორმაციაზე და ჩემთვის ეს კურსი მართლაც ტრანსფორმაციული აღმოჩნდა. ძალიან ბევრი ძველი წარმოდგენა დამემსხვრა და გადავაფასე, რაც შემდეგ ჩემი ცხოვრების სხვადასხვა სფეროზეც აისახა.

შემეცვალა წარმოდგენა არა მხოლოდ იოგაზე. კურსზე სხვა თემებსაც ვეხებოდით და ეს მხოლოდ იოგით შემოსაზღვრული სწავლება არ ყოფილა.

ყოველთვის მიჭირდა დისციპლინა და კურსი ძალიან დამეხმარა, მეტი ყურადღება მიმექცია თანმიმდევრულობისა და ფოკუსისთვის.

არ მოველოდი, რომ ამხელა დრო დაეთმობოდა იოგას ფილოსოფიას და ეს ჩემთვის ძალიან კარგი და გამოსადეგი აღმოჩნდა.

გიორგის მიდგომა ალბათ ერთ-ერთი მთავარი რამ იყო, რამაც აქ გამაჩერა. ძალიან ინდივიდუალური დამოკიდებულება ჰქონდა და თავს ჯგუფის მნიშვნელოვან წევრად ვგრძნობდი. აინტერესებდა, როგორ ვგრძნობდით თავს, როგორ ვვითარდებოდით და ყოველთვის ცდილობდა ჩვენს კითხვებზე სიღრმისეული პასუხები გაეცა.

ვურჩევდი ადამიანებს, ბევრი არ იფიქრონ და უბრალოდ გადაეშვან ამ თავგადასავალში.

ზოგადი წარმოდგენა მქონდა, რომ იოგა უბრალოდ ელასტიური და მოქნილი ადამიანებისთვის განკუთვნილი ვარჯიში იყო. კურსის განმავლობაში კი მივხვდი, რამდენად ღრმაა ეს ყველაფერი. ყოველი გაკვეთილის შემდეგ უფრო და უფრო მეტად ვეცნობოდი საკუთარ თავს — როგორც ფიზიკურ სხეულს, ისე შინაგან სამყაროს.

გიორგი, აკადემიის დამაარსებელი და ჩვენი ხელმძღვანელი, პირველივე დღეებიდან გაძლევს განცდას, რომ არის უაღრესად განათლებული ადამიანი, რომელიც თავადაც არასდროს წყვეტს სწავლას. ყოველდღიურად ვითარდება და ეს მის სწავლებაშიც იგრძნობა.

ის ძალიან მშვიდად, მარტივად და ზედმეტი პათოსის გარეშე ხსნის ყველა საკითხს. ვფიქრობ, კურსის არცერთ მონაწილეს არ დარჩენია უპასუხო კითხვა — ეს ეხებოდა როგორც პრაქტიკასა და თეორიას, ჯგუფურად დასმულ კითხვებს, ისე გიორგისთან ინდივიდუალურ ურთიერთობას.

ვისაც ახლა უჩნდება კითხვა — „დავრეგისტრირდე თუ არა?“ — ჩემი გამოცდილებიდან პირდაპირ გეტყვით: თუ ფიქრობთ, სცადეთ.

მე თვითონაც მქონდა პერიოდები, როდესაც მეგონა, რომ კურსის დასრულება გამიჭირდებოდა, მაგრამ შევძელი და, როგორც ხედავთ, დავასრულე. თუ ნამდვილად მონდომებული ხართ, ექვსი თვის განმავლობაში წარმოქმნილი სირთულეები გადალახვადია.

დახარჯული ენერგია აუცილებლად ფასდება და საბოლოოდ მიდიხარ იმ შედეგამდე, რომლისთვისაც დაიწყე. ფინიშის ხაზამდე მისვლა კი ჩემს შემთხვევაში ძალიან სასიამოვნო გამოცდილება აღმოჩნდა.

იმ პერიოდში საკმაოდ რთული ეტაპი მქონდა — ძიებაში ვიყავი, ჩაკარგული, და ზუსტად მაშინ გამოჩნდა ინსტრუქტორის მოსამზადებელი კურსი.

იოგას აკადემიას ვხედავ, როგორც ჩემს ცხოვრებაში ერთ-ერთ ყველაზე გამორჩეულ ეტაპს. ეს იყო ადგილი, სადაც მივიღეთ ცოდნა, გამოცდილება და ძალიან მნიშვნელოვანი გააზრებები. ეს კურსი არა მხოლოდ ცოდნას გაძლევს, არამედ საკუთარი თავის გაცნობის შესაძლებლობასაც.

მახსენდება მთლიანად ის გარემო და სიმშვიდე, რომელსაც კურსის განმავლობაში ვგრძნობდი. კურსმა შემმატა თავდაჯერებულობა.

ჩემთვის განსაკუთრებით მნიშვნელოვანი იყო ასანების სწორად შესრულების სწავლა, მიღებული თეორიული და პრაქტიკული ცოდნა და ის, რომ ინფორმაცია ობიექტურად მოგვეწოდებოდა. იოგას ფილოსოფიის ლექციები კი უსაზღვროდ საინტერესო და განსაკუთრებით შთამაგონებელი იყო.

ვფიქრობ, თუ სტუდენტი პროცესში ჩართულია, ნებისმიერი სირთულე დაძლევადია. აუცილებლად ვურჩევდი ამ კურსს ადამიანს, რომელიც გრძნობს, რომ იოგასთან უფრო ღრმა კავშირი სურს.

კურსს ვასრულებ მადლიერებითა და მოტივაციით. მომავალში მინდა იოგას ფილოსოფია უფრო სიღრმისეულად შევისწავლო და პროფესიულადაც განვაგრძო განვითარება ინსტრუქტორის გზაზე.

ეს ყველაფერი ძალიან საინტერესო იყო როგორც ეგზისტენციალური, ისე სულიერი განვითარების თვალსაზრისით. კურსის პრაქტიკულმა ნაწილმა უფრო დისციპლინირებული გამხადა, გამიუმჯობესა კონცენტრაციის უნარი და მეტი თავდაჯერებულობაც შემძინა.

თითქმის ყველა ლექციაში იყო ერთი ან რამდენიმე ისეთი მომენტი, რომელიც საინტერესო დეტალებს მაჩვენებდა როგორც საკუთარი თავის, ისე სამყაროს შესახებ.

განსაკუთრებით მომწონს მიდგომა — მზადყოფნა სიახლეების გასაცნობად, განსხვავებული არგუმენტების მოსასმენად და მტკიცებულებებზე დაფუძნებული მეთოდების დასანერგად. აქ მნიშვნელოვანია კრიტიკული მიდგომა და კრიტიკული აზროვნების წახალისება.

კურსის ფორმატი და დატვირთვა ადეკვატური და მოსწრებადი იყო. პირადად ჩემთვის მთელი პროცესი ძალიან საინტერესო აღმოჩნდა.

იოგას აკადემიას განსაკუთრებით გამოარჩევს განვითარებაზე ორიენტირებულობა: აქ ეცნობი წყაროებს, სწავლობ აზროვნებას და ეჩვევი, რომ თავად გააკეთო დასკვნები.

თუ გინდა ისწავლო ანატომია, სწორად ივარჯიშო და გაიგო, რა არის იოგა უფრო ფართო მნიშვნელობით, მათ შორის — იოგას ფილოსოფია, ეს კურსი იდეალურია.

კურსის შემდეგ იოგას ინსტრუქტორად უკვე დავიწყე მუშაობა და დარწმუნებული ვარ, მიღებული ცოდნა ძალიან გამომადგება არა მხოლოდ ამ სფეროში, არამედ ზოგადად ცხოვრებაშიც.

და ეხლა 5 წლის შემდეგ რაც პირველად შემოვდგი ფეხი იოგას სამყაროში მზად ვარ მოგიყვეთ ჩემზე. როგორ შეიძლება ერთმა მიმართულებამ ერთმა მოძღვრებამ თუ სწავლებამ დაიტიოს თავის თავში ამდენი ჰარმონია, და გახდეს სხეულისა და სულის სახლი, გონების და ფიქრის საზრდო და შემოქმედებითობის წყარო.
ჩემთვის იოგა მუსიკაა, სიმღერაა, სამოთხეში ცეკვაა და ჩემი თავის აღმოჩენის დაუსრულებელი გზა.
ბედნიერი ვარ რომ ეს საოცარი მოგზაურობა სწორედ ამ სტუდიიდან, სწორედ ასეთი თანმიმდევრული, სწორი და ბალანსირებული სწავლებით დაიწყო. ჩემ მადლიერებას მხოლოდ იოგას სწავლების გაზიარებით და ამ დიდი იდეის გავრცელებით თუ შევძლებ, ეხლა სწორედ ამ გზას გავდივარ, სიყვარულით, ერთგულებით და მადლიერებით…

ვფიქრობ, იოგას ინსტრუქტორთა მოსამზადებელი კურსის გავლა იოგას სახლში ერთ-ერთი საუკეთესო გადაწყვეტილება იყო, რაც მიმიღია. კურსის პრაქტიკული ნაწილი მთლიანად ორიენტირებულია ასანების სწორი შესრულების ტექნიკის გაგებასა და სწავლაზე, რათა ვარჯიში იყოს უსაფრთხო და სასიამოვნო. გონების პლასტიურობის შესანარჩუნებლად კი ძალიან სასარგებლოა იოგას ფილოსოფიური და თეორიული ნაწილი. აქ ხდება იოგას გარშემო არსებული მითების გაცამტვერება, იოგას ფილოსოფიის განხილვა და მასზე მსჯელობა. ეს პროცესი ჩემთვის ნამდვილი მოგზაურობაა საკუთარ თავში და აუცილებლად გირჩევთ დაინტერესდეთ, ბევრი საინტერესო რამ გელოდებათ :) მადლობა გიორგის, რომ აკეთებს იმას, რაც უყვარს. ეს მის თითოეულ შეხვედრაზე იგრძნობა.