სემინარი 5

მჯდომარე პოზები II: მენჯ-ბარძაყის როტაცია, წინ დახრები და ტორსის მოტრიალება

მეხუთე სემინარზე დეტალურად განვიხილავთ Jānuśīrṣāsana A/B/C და Marīcyāsana A/B/C/D-ს. ვისწავლით, როგორ ერწყმის ერთმანეთს წინ დახრა, მენჯ-ბარძაყის როტაცია, ნახევარლოტოსი და ტორსის მოტრიალება; როგორ შევინარჩუნოთ მუხლისა და წელის უსაფრთხოება და როგორ შევარჩიოთ პოზის შესაბამისი ვარიანტი პრაქტიკოსის მობილობისა და გამოცდილების მიხედვით.

რას ვისწავლით

მეხუთე სემინარი აგრძელებს პირველი სერიის მჯდომარე ნაწილს და აერთიანებს მის რამდენიმე უმნიშვნელოვანეს ტექნიკურ პრინციპს.

Jānuśīrṣāsana A/B/C-ის სამი ვარიანტის საშუალებით შევისწავლით, როგორ იცვლება ერთი და იმავე საბაზისო პოზის მექანიკა ფეხის პოზიციისა და ბარძაყის როტაციის ცვლილებასთან ერთად. ყურადღებას დავუთმობთ მენჯ-ბარძაყის სახსრის მოძრაობას, მომზიდველი კუნთების მობილობას, მუხლის დაცვას და ხერხემლის თანაბარ დაგრძელებას წინ დახრისას.

განსაკუთრებით განვიხილავთ, რატომ უნდა ხდებოდეს როტაცია მენჯ-ბარძაყის სახსარში და არა მუხლში და როგორ მოქმედებს ტერფის პოზიცია ბარძაყისა და მუხლის ურთიერთობაზე.

შემდეგ გადავდივართ Marīcyāsana A–D-ზე. A და B ვარიანტებში წინ დახრას ემატება ფეხის განსხვავებული პოზიცია, შეკვრა და მენჯ-ბარძაყის უფრო ღრმა მუშაობა. Marīcyāsana B-ში ნახევარლოტოსის უსაფრთხო შესრულებას კვლავ დავუკავშირებთ წინა სემინარებში ნასწავლ პრინციპებს.

Marīcyāsana C და D-ში პირველად ვიწყებთ მჯდომარე ტორსის მოტრიალების დეტალურ შესწავლას. განვიხილავთ, სად უნდა ხდებოდეს ხერხემლის როტაციის ძირითადი ნაწილი, რატომ არის წელის მიდამოს გადაჭარბებული მოტრიალება არასასურველი და როგორ შეიძლება სუნთქვის გამოყენება ხერხემლის დაგრძელებისა და როტაციის დასაბალანსებლად.

Marīcyāsana D-ში ერთმანეთს ერთდროულად უერთდება ნახევარლოტოსი, მენჯის ორგანიზება, ტორსის მოტრიალება და შეკვრა. ამიტომ ამ პოზას განვიხილავთ არა როგორც აუცილებლად მისაღწევ საბოლოო ფორმას, არამედ როგორც პოზას, რომლისთვისაც წინასწარი მობილობა და ტექნიკური მომზადებაა საჭირო.

სემინარის მიზანია მონაწილემ უკეთ გაიგოს, როგორ ვითარდება პირველი სერიის განმავლობაში მენჯ-ბარძაყის როტაცია, წინ დახრა და ხერხემლის მოტრიალება და როგორ შეიძლება რთული პოზის ეტაპობრივად, სხეულის სტრუქტურისა და უსაფრთხოების გათვალისწინებით სწავლა.

📅 21.11.2026🕒 15:00–16:30⏳ 90 წუთი📍 სტუდია

მონაწილეობა

სემინარი 5 — მჯდომარე პოზები II: მენჯ-ბარძაყის როტაცია, წინ დახრები და ტორსის მოტრიალება
50 ₾
Primary Series — სრული კურსი
450 ₾