ადჰო მუკჰა შვანასანა

თავდახრილი ძაღლის პოზა

ადჰო = ქვემოთ; მუკჰა = სახე; შვანა = ძაღლი

კლასიფიკაცია

სიმეტრიული თავდაყირა პოზა ხელებზე დაყრდნობით 

შენიშვნები

ამ პოზაზე მუშაობისთვის ბევრი მიდგომა არსებობს. დიდებული საშუალებაა იმისთვის, რომ განხილულ იქნეს ხელებისა და ფეხების ეფექტი ზურგზე.

დავრწმუნდეთ, რომ ზურგი ნეიტრალურ მდგომარეობაშია ანუ ღერძულად იჭიმება, როგორც მხრების, ისევე მენჯ-ბარძახის მოხრა ხდება, ხოლო მუხლები და იდაყვები გაშლილია.

ზურგის უგანიერესი კუნთები ცდილობენ დაგვეხმარონ ამ პოზაში, მაგრამ ეს კუნთები დაბლა სწევენ და შიგნით აბრუნებენ მხრის სახსრებს (იმის საპირისპირო, რაც სასურველია), რაც ხელყოფს აკრომიონულ პროცესს.

წინამხრების პრონატორები აქტიურად მუშაობენ, მაგრამ, თუ სხივისა და იდაყვის ძვლის მობრუნება შეზღუდულია, მაშინ ეს შეზღუდვა შესაძლოა გადაიზარდოს იდაყვისა და მაჯის სახსრების ზედმეტ არტიკულაციაში, ან ხელების შიგნითა შებრუნებაში მხრის სახსრებში — ეს ადგილები მოწყვლადია ტრავმისთვის ვინიასა სტილის პრაქტიკოსთათვის, რაც მზის მისალმებაში თავდახრილი ძაღლის პოზის განმეორებით კეთებას მოიაზრებს.

ისევე, როგორვ ტერფსა და ფეხში, ღრმა კუნთების მუშაობა ხელისთვისაც არსებითია, რამაც მთელი ხელის ინტეგრაცია უნდა უზრუნველყოს. ძირითადად, თითოეულმა ხელმა ისევე უნდა იმუშავოს, როგორც ტერფები მუშაობენ ანუ თავიანთ თაღებს ინარჩუნებენ.

სუნთქვა

სუნთქვის თვალსაზრისით, ეს თავდაყირა პოზაა. რადგან თავდაყირა ყოფნა დიაფრაგმას კრანიალურად ამოძრავებს, მუცლის კუნთების მოქმედება, რაც ამოსუნთქვას უზრუნველყოფს, შესაძლოა საკმაოდ ღრმა იყოს. თუ შესუნთქვის დასაწყისში მუცლის ქვედა ნაწილის მოქმედება შენარჩუნებულ იქნება (მულა ბანდჰა), ტორაკალური სტრუქტურების მობილიზაციას ხელს შევუწყობთ, რაც საკმაოდ რთული გამოწვევაა ხელებზე დგომების პოზებში.