უტტჰიტა ჰასტა პადანგუშთჰასანა

გაშლილი ხელი-ფეხის-ცერის პოზა

უტტჰიტა = გაშლილი; ჰასტა = ხელი; პადა = ტერფი; ანგუშთჰა = ცერი. 

კლასიფიკაცია

ასიმეტრიული დამდგარი წონასწორობის პოზა

შენიშვნები

აწეული ფიხის ჰემსთრინგების და დიდი დუნდულა კუნთის სიხისტე შეიძლება ზურგის მოხრის მიზეზი იყოს (ამ დროს მენჯი უკან იხრება). ამან შეიძლება საყრდენი ფეხის მენჯ-ბარძაყის სასრის გაშლა ან მუხლის მოხრა გამოიწვიოს.  ამიტომ, უმჯობესია აწეული ფეხი მოვხაროთ მუხლის სახსარში და ზურგის მრუდების ნეიტრალური პოზიცია ვიპოვოთ (ხერხემალი გავასწოროთ), ხოლო საყრდენი ფეხის მენჯ-ბარძაყის სახსარი ნეიტრალურად გავშალოთ და მუხლი კი გავმართოთ (მაგრამ არა ძალიან, რაც ჰიპერექსტენსია იქნება საყრდენი ფეხის მუხლისთვის). 

აწეული ფეხის მენჯ-ბარძაყის სახსრის მომხრელი კუნთების (სუკის დიდი კუნთი, თეძოს კუნთი და ბარძაყის სწორი კუნთი) სისუსტე შეიძლება მიზეზი იყოს, რომ პროცესს წელის კვადრატული კუნთი დაეხმაროს, რომ ფეხი უფრო მაღლა აიწიოს. საყრდენი ფეხის მომზიდველი კუნთები ექსცენტრიკულად მუშაობენ; თუ ისინი სუსტი ან ხისტები არიან, აწეული ფეხის ბარძაყი ზედმეტა მაღლა იწევა ან შემბრუნებელი კუნთები (დიდი დუნდულა კუნთი, მსხლისებრი კუნთი) მენჯის სტაბილიზაციას ცდილობენ და მენჯი საყრდენი ფეხის მხარეს ტრიალდება იმის ნაცვლად, რომ წინ მიმართული დარჩეს.

რაც უფრო ძლიერი და მოქნილია ტერფი და კოჭის სახსარი, მით უფრო კარგად მოვახერდებთ საყრდენ ფეხზე ფალანსის პოვნას.

სუნთქვა

ამ პოზაში ბალანსის შენარჩუნებისას, თუ არ არის საკმარისი საყრდენი მენჯ-ბარძაყის ღრმა მომხრელების ( სუკის დიდი კუნთი და თეძოს კუნთი), მუცლის კუნთების მასტაბილიზირებელი მოქმედება უერთდება ხელის დამჭერ მოქმედებას, რამაც შეიძლება სასუნთქი მოცულობის შემცირება გამოიწვიოს. თუ მეტისმეტი კუნთური დაძაბულობა შეინიშნება, სასუნთქი მოცულობა არ არის საკმარისი, რათა ჟანგბადით დააკმაყოფილოს ძალისხმევა და სასუნთქი მოცულობისთვის გაკეთებული მოქმედება შესაძლოა კომპრომისს საჭიროებდეს.