უშტრასანა

აქლემის პოზა

უშტრა = აქლემი.

კლასიფიკაცია

სიმეტრიული ჩამუხლული უკანზნექის პოზა

შენიშვნები

გრავიტაცია ტორსს უკან ხრის, რაც ხელების და ზურგის მომხრელუ კუნთების ექსცენტრული მოქმედებით კონტროლდება.

კისრის არეში კისრის წინა კუნთები ექსცენტრიკულად აქტიურია, მაგრამ მკერდ-ლავიწ – დვრილისებრი კუნთი არ უნდა იყოს აქტიური, რათა თავის ქალის ფუძის ჩაწევა არ მოხდეს ატლასისა და აქსისის (კისრის 1-2 მალა) მიმართულებით.

ფეხების შიგნით შებრუნება გავა-თეძოს სახსრის სტაბილიზაციაში დაგვეხმარება, რაც ამ სახსრის წინა ნაწილის სისწორეს უზრუნველჰყოფს.

საკმაოდ ძნელია ხერხემლის სასარგებლო გაზნექვის პოვნა კისრის ძირში და მულმკერდის ზედა ნაწილში. ამაში დაგვეხმარება მკერდ-ლავიწ – დვრილისებრი კუნთის მოშვება და კისრის წინა ღრმა კუნთების ექსცენტრული ძალა, რომ თავის წონა დაასტაბილუროს. უშტრასანა შესაძლოა ინტენსიური მობილიზაცია აღმოჩნდეს მომნელებელი სისტემისთვის, განსაკუთრებით საყლაპავი მილისთვის.

სუნთქვა

უშტრასანაში ტორაკალური (გულმკერდის) სტრუქტურები რჩებიან შესუნთქვის პოზიციაში, ხოლო მუცლის კედელი დაგრძელებულია. ამის შედეგად სხეულის შესაძლებლობა „ჩვეულებრივი“ სუნთქვისა —  შემცირებულია. გამოსავალი იმაშია, რომ საყრდენი ღრმა მუსკუატურაში უნდა ვიპოვოთ, ხოლო ზედაპირული ძალისხმევა — შევამციროთ. გამოვიყენოთ შესაძლებლობა და აქვე აღვნიშნოთ საინტერესო კავშირი კისრის ღრმა ჯგუფის კუნთების — კიბისებრი კუნთების სუნთქვის მოძრაობასთან ფილტვების მწვერვალებში, რომლებიც შიდა კიბისებრი კუნთებიდან არიან ჩამოშვებული.