მოგესალმებით ყველას იოგას ფედერაციის გვერდზე!

იოგას ფედერაცია დაფუძნდა 2009 წელს, ეს არის პროფესიონალ იოგას ინსტრუქტორთა და იოგას ცენტრების გაერთიანება მთელი საქართველოს მასშტაბით. მისი პირველი ცენტრი „იოგას-სახლი“ პირველი იოგას ცენტრია საქართველოში (2010-დან)

ჩვენ ვაორგანიზებთ იოგას პროფესიულ და სამოყვარულო კურსებს, ტრენინგებს, სემინარებს, ტურებს და სხვა ღონისძიებებს. ვთარგმნით და ვქმნით შესაბამის ლიტერატურას ქართულ ენაზე (ისტორია, ფილოსოფია, ანატომია, ბიომექანიკა).

2020 წლიდან მოყოლებული ჩვენ მიერ მომზადებული და სერტიფიცირებული ინსტრუქტორები წარმატებით ხსნიან სტუდიებს საქართველოს სხვადასხვა ქალაქებში, საქმდებიან ფიტნეს და სხვა ცენტრებში, რითაც ხელს ვუწყობთ იოგას პოპულარიზაციას მეცნიერულ საწყისებზე დაფუძნებული ცოდნის ბაზით.

ამჟამად ჩვენ მიერ მომზადებულია: 175 ინსტრუქტორი, რომელთა უმრავლესობაც დასაქმებულია.

ნათია ჭანკვეტაძე პრენატალ იოგაზე სიარული დავიწყე ორსულობის 17კვირაზე და დავდიოდი 39 კვირის ჩათვლით უშუალოდ მშობიარობამდე. ეს იყო საუკეთესო გადაწყვეტილება რაც შეიძლება ჩემთვის და ჩემი ბავშვის ჯანმრთელობისთვის მიმეღო და მიხარია რომ მივაკითხე იოგის ფედერაციას. ყველანაირ ზურგის და წელის ტკივილს დაივიწყებთ ვარჯიშის დროს, ეს არის საუკეთესო რელაქსი ორსულთათვის, გარდა იმისა რომ მშობიარობის პროცესი უფრო გამიიოლა, მთელი კურსის მანძილზე თავს ვგრძნობდი საოცრად ენერგიულად. არ შემიძლია ჩვენს ინსტრუქტორ ნინოზეც არ ვთქვა ორო სიტყვა, გარდა იმისა რომ თავისი საქმის პროფესიონალია, მისი სიმშვიდე განსაკუთრებით სასიამოვნოს და სასარგებლოს ხდიდა ვარჯიშის პროცესს. წარმატებები იოგის ფედერაციას <3 მოკლე დროში აუცილებლად გავაგრძელებ სიარულს <3

ლიკა კოსტავა სულ სამი კვირაა რაც იოგას სახლში მოვედი. ეს ჩემი პირველი მცდელობაა იოგას "შევჭიდებოდი". მანამდე საკუთარი მოუქნელობის კომპლექსით ვერიდებოდი, თუმცა ახლა ვფიქრობ რომ ძან სწორი გადაწყვეტილება მივიღე. ამ მოკლე დროში, პირველივე დღიდან ვგრძნობ რომ გონება და სხეული "სუფთავდება" თავისებურად და ის რასაც ყოველდღიურ სტრესს ახლავს თან, ემოციური დაძაბულობა, შფოთვა და ა.შ. უფრო მარტივად სამართავი ხდება. გამიუმჯობესდა ცირკულაცია, რისი პრობლემაც მაქვს ბოლო წლებია. იოგას სახლის უუდიდესი უპირატესობა ინსტრუქტორია, რომელიც ინტენსიურად მუშაობს ყველა ჩვენგანთან, გვეხმარება ტექნიკის სწორად ათვისებაში, რაც ყველაზე მნიშვნელოვანია სამანების (პოზების) შესრულებისას. აქამდე მივლია სხვადასხვა სატრენაჟორო დარბაზებსა და ფიტნეს ცენტრებში, მაგრამ ვარჯიშის დროს უამრავ ენერგიას ვხარჯავდი და ვარჯიშის შემდეგ ძალიან დაღლილი ვბრუნდებოდი უკან. შესაბამისად ყოველთვის მალე ვანებებდი თავს. იოგას შემთხვევაში პირიქითაა, მართალია "ვარჯიშის" დროს ენერგიას ვხარჯავ, მაგრამ თავისებურად საკუთარ თავთან მუშაობის ჰარმონიული პროცესია და ვარჯიშის შემდეგ უფრო მშვიდ ტალღაზე ვაგრძელებ ცხოვრებას.

სალომე სულთანიშვილი რატომ იოგას სახლი? ჩემთვის ამ კითხვაზე პასუხი თავიდან იმან განაპირობა, რომ თბილისში არსებული იოგას სასწავლო ცენტრებიდან ყველაზე თვალსაჩინოდ იოგას სახლს ჰქონდა წარმოდგენილი ინსტრუქტორების პროფესიონალიზმი, საქმისადმი დამოკიდებულება და იოგას პრაქტიკის მნიშველობის გადმოცემა დაინტერესებულთათვის. ამან გადამაწყვეტინა იოგას პრაქტიკის იოგას სახლში დაწყება, რაც დაახლოებით 4 თვის წინ მოხდა. მიზანს რაც შეეხება, ჩემი მიზანი იყო სამუშაო საათების შემდეგ სტრესის შემცირება, ემოციური ბალანსის მიღწევა და სხეულის ტონუსში მოყვანა. რათქმაუნდა თავიდანვე მესმოდა, რომ შესაძლებელია ამისთვისაც ვერ მიმეღწია, ან პირიქით გაცილებით მეტი მიმეღო იოგას სისტემატიური პრაქტიკისგან... ერთი თვის პრაქტიკის შემდეგ მივხვდი რომ ჩემმა მოლოდინმა ცენტრის მიმართ გაამართლა და დავრწმუნდი ჩემი გადაწყვეტილების სისწორეში. მომეხსნა წელის ტკივილები, ძალდატანების გარეშე გამისწორდა ხერხემალი, დგომა. მეორე და მესამე თვის განმავლობაში სპორტული აქტივობის დროს შევამჩნიე, რომ სხეულს მეტად ვფლობდი, უფრო მარტივად ზედმეტი მოძრაობის გარეშე გამომდიოდა ყველაფერი, გამიუმჯობესდა სუნთქვა, გაიზარდა ამტანობა, ნაკლებად ვიღლებოდი, შესამჩნევად გამომეკვეთა ქვედა კიდურების და ზედა კიდურების კუნთები, მუცლის პრესი, ვიგრძენი რომ სხეული ტონუსში იყო. შემეცვალა გარე ფაქტორების აღქმა (ამის გადმოცემა ცოტა მოცულობითი გამოვა xD). ამის მიზეზი იოგას სახლში არსებული ტრენერების სწორი ახსნაა, სწორი გადმოცემა ასანების შესრულების და ინდივიდუალური მიდგომა. რაც დრო გადის ვხვდები, რომ იოგას პრაქტიკით ორ დღეში არა, მაგრამ სისტემატიური და სწორი შესრულებით ბევრ შესაძლებლობას აღმოვაჩენ ჩემს თავში და საწყის მიზანს საგრძნობლად გავცდები, ეს კი იოგას სახლის ტრენერების დამსახურებაა. ამ ცენტრში ხდება უმნიშვნელოვანესი რამ ჩემთვის და ყველა დამწყებისთვის- იოგას მნიშვნელობის და პრაქტიკის სწორი ფორმით გადმოცემა !!!

მარიამ ჩალაძე ძალიან მიხარია, რომ იოგას სახლში მივედი, სადაც არა მარტო ფიზიკურად, არამედ მენტალურადაც საკმაოდ გავძლიერდი. ორთვიანი სიარულის შემდეგ თვითრწმენა მომემატა და მივხვდი, რომ სწორი მიდგომის და ნებისყოფიის შემთვევაში ყველანაირი ასანის შესრულება შეიძლება. იოგას სახლი მეხმარება ვიპოვო სიმშვიდე და სრულიად განვიტვირთო რთული და დამღლელი დღეების შემდგომაც კი. აქ ყოველთვის ძალიან მშვიდი და სასიამოვნო გარემოა და ძალიან კარგი ინსტრუქტორები არიან. განსაკუთრებული მადლობა საუკეთესო ინსტრუქტორს, გიორგის, რომელიც ყოველთვის დეტალურად გვიხსნის როგორ უნდა შესრულდეს თითოეული პოზა სწორად და გვაწვდის ლიტერატურას იოგას შესახებ. იოგას სახლი ძალიან შემიყვარდა და ვცდილობ ყველაფერი, რასაც აქ ვსწავლობ ყოველდღიურ ცხოვრებაშიც გამოვიყენო.

თამუნა გორდელაძე ყოველთვის მინდოდა იოგაზე მევლო, როგორც იქნა გადავწყვიტე და აი უკვე მესამე თვეა კვირაში სამჯერ სიხარულით მივდივარ ვარჯიშზე, იმის მერე რაც დიდუბეში შეგვეცვალა ფართი ეს სიხარული გაორმაგდა. ძალიან დიდ შედეგს ვგრძნობ, ეს შედეგი ყველა მისვლაზე უფრო და უფრო იხვეწება, მაწუხებდა საშინელი თავის ტკივილები მაგრამ იოგის სახლმა დამავიწყა :) დიდი მადლობა თქვენ გუნდს !

ნუცა ჯოხაძე ერთი თვეა რაც ვარჯიში დავიწყე და ვგრძნობ საოცარ სიმსუბუქეს, განწყობა საკმაოდ ამაღლებული მაქვს , იმდენად მსიამოვნებს ეს პროცესი რომ მოთხოვნილება გამიჩნდა რომ ყოველდღე ვივარჯიშო. რამოდენიმე წლის წინ ვარჯიშობდი საღამოს საათებში და ეხლა ვხვდები რამხელა მნიშვნელობა აქვს როცა დილას იწყებ იოგას ვარჯიშით , ისეთ პროფესიონალებთან ერთად როგორიც თქვენ ხართ. მადლობა ამისთვის <3

მაია ერისთავი მოხარული ვარ რომ მოვხვდი თქვენს ცენტრში, მყუდრო, ჰარმონიული გარემო, კეთილგანწყობილი და თავისი საქმის მცოდნე ინსტრუქტორები რომლებიც ფლობენ ანატომიას ისე, რომ ახალბედასთვის ზიანის მიყენება გამორიცხულია, მშვიდად და მოთმინებით უხსნიან ყველა დეტალს იმისათვის, რომ სხეულს ფლობდე, ყოველ ჯერზე პროგრესს გრძნობ და თითქოს შეუძლებელს აკეთებ. მადლობა რომ არსებობთ და ხართ თქვენი საქმის პროფესიონალები!!!

მარიამ ხელაძე მხოლოდ 1 თვეა, რაც იოგას სახლში დავდივარ. თვის პირველ ნახევარში მხოლოდ ერთი რამის თქმა შემეძლო - სიტყვები არ მყოფნის, ისეთი მაგარია! უბრალოდ ზუსტად ვერ ვამბობდი, რა იყო მაგარი, იმდენად ბევრი ცვლილება დაიწყო ჩემში (ორგანიზმშიც და განწყობაშიც) ეხლა უკვე ნელნელა ვხვდები, რომ სხეული თავისუფლდება დაძაბულობისგან, არაფერი აღარ მაწუხებს, ზოგადად ვარ უფრო მოტივირებული და აქტიური, თითქოს უფრო მშვიდიც გავხდი :) ყველაზე მნიშვნელოვანი ჩემთვის საკუთარ პროგრესზე დაკვირვებაა, როცა ტკივილის და სიხარულის შეძახილი ერთია - მემგონი გამომივიდა! და გამომივიდა ნიშნავს კიდევ ერთ ნაბიჯს ჯანმრთელობისკენ. მადლობა ჩემს ინსტრუქტორებს ქეთის, ნინოს და გიორგის :)

სოფიო კუტალაძე მეორე თვეა დავდივარ. შედეგი იგრძნობა პირნათლად :) აღარც ხერხემალი ტკივა და აღარც კისერი. ძალიან კარგი ინსტრუქტორები <3 (გიორგის განსაკუთრებული მადლობა ჩემი პრობლემის მოგვარებისთვის :*). დიდუბის ფილიალი ცოტა დასახვეწია იმედია მალე გააუმჯობესებთ <3

მარიამ თაყაიშვილი სამი თვე უწყვეტად ვიარე აშთანგა ვინიასაზე და შედეგით კმაყოფილი ვარ, ფიზიკურად გავძლიერდი, ხერხემალი არ მტკივა, მჯდომარე მდგომარეობაში დიდი ხმოს ყოფნის მიუხედავად, სამსახურიდან გამომდინარე. მომიწესრიგდა მეტაბოლური პროცესები, მიუხედავად ამისა წონაზე ეს არ მოქმედებს, რადგან სამწუხაროდ ჯერ დიეტით ვერ ვუწყობ ხელს ვარჯიშის პროცესს. ამის მიუხედავად ვგრძნობ, რომ კუნთები ფორმაში მოვიდა. ზოგადად მაღალი ნებისყოფით არ გამოვირჩრვი ფიზიკური აქტივობის კუთხით, თუმცა ის რომ არასდროს მეზარება იოგაზე სიარული არის იოგას სახლში არსებული ძალიან მეგობრული და სასიამოვნო გარემოს დამსახურება. მინდა მანდლობა ვუთხრა ჩემს ტრენერებს, გიორგის, ნინოს და იზას ამ მეგობრობისთვის . ბედნიერი ახალი წელი იოგას სახლს! ❤️

ელენე კრისთესიაშვილი ძალიან ბედნიერი ვარ ,რომ მოვხვდი იოგას სახლში,ადგილი,სადაც თავს ვგრძნობ მშვიდად და ჰარმონიულად,არაჩვეულებრივი გარემო შესანიშნავი ინსტრუქტორები.ერთი თვეა, რაც იოგას სახლში დავდივარ და უკვე ვხედავ ბევრ ცვლილებას,ვხედავ როგორ იხვეწება ჩემი სხეული,უფრო ენერგიული გავხდი,მეტად კონცენტრირებული საკუთარ თავთან,ყოველი იოგას გაკვეთილის შემდეგ თავს უფრო მსუბუქად და მშვიდად ვგრძნობ,რაც ძალიან მახარებს.როგორც ჩვენი ინსტრუქტორი ბატონი გიორგი ამბობს ხოლმე, იოგა ეს ჯანსაღი ცხოვრების წესია სრულიად ვეთანხმები მას და მინდა რომ იოგა ჩემი ცხოვრების წესად იქცეს.

ნიკოლოზ წიქარიშვილი იოგას სახლში დაახლოებით ორი თვის წინ დავიწყე პრაკტიკა და თამამად შემიძლია ვთქვა რომ ამ პერიოდში ჩემს ცხოვრებაში როგორც სულიერი ისე ფიზიკური თვალსაზრისით მოხდა უდიდესი გარდატეხა. იმისთვის რომ იოგას პრაკტიკამ ასე შთამბეჭდავი ეფექტი იქონიოს ადამიანზე (როგორც ეს ჩემს შემთხვევაში მოხდა) რა თქმა უნდა უმთავრესი ფაქტორი თავად პრაკტიკოსის მონდომებასთან ერთად მასთან იოგას სწავლების სწორად მიტანაა. ამისთვის იოგას სახლი იდეალური, სიმშვიდით, კეთილგანწყობით და პროფესიონალებით სასვე ადგილია.

ნინო მუმლაძე იოგას სახლში მოსვლის დღიდან ბევრი რამ შეიცვლა იმ მხრივ, რომ თავს უფრო ჯანსაღად და ენერგიულად ვგრძნობ,საგრძნობლად გამიმკვრივდა და გამიძლიერდა სხეულის რაღაც ნაწილები, ვხედავ ჩემს პროგრესს და ვცდილობ რაც შეიძლება რეგულარულად ჩავრთო ვარჯიში ჩემს ცხოვრებაში. მართალია, ეს ყოველთვის კარგად არ გამომდის, მაგრამ ამ გარემოში მოსვლამ დამარწმუნა იმაში, რომ შემიძლია ჩემს ჯანმრთელობას რაღაც დრო დავუთმო ისე, რომ თან სასიამოვნოდ და საინტერესოდ გავატარო. იოგის ვარჯიში მეხმარება ზურგის და კისრის ტკვილიების მოხსნაში, ბევრად მიუმჯობესებს ხასიათს, მიზრდის ცხოვრების ხალისს და ენერგიულს და მოტივირებულს მხდის. გარდა ამისა იოგა მეხმარება მენსტრუალური ციკლის კრიტიკულ დღეებში ტკივლის მოხსნაში, გარკვეული ასანების შესრულება და მათში გაჩერება და სუნთქვა ზოგჯერ ერთადერთი რამაა რაც შვებას მაგრძნობინებს მაგ დროს. ძალიან მოხარული ვარ რომ ასეთ გარემოში აღმოვჩნდი და აღმოვაჩინე ვარჯიშის ისეთი სახეობა, რომელიც მაინტერესებს და მომწონს და თან რაც მთავარია ეფექტურია და შველის ჩემს პრობლემებს.

ლაშა გაგნიძე იოგას სახლი, ძალიან საინტერესო, მყუდრო და სასიამოვნო ადგილი, სადაც მისვლა არასდროს მეზარება. დაახლოებით ერთ თვის შემდეგ რაც შემიძლია ვთქვა, მომეხსნა დაღლილობის შეგრძნება და განწყობა ბევრად გამომიკეთდა, 2 საათიანი სესიიდან გამოსული შვებას გრძნობ და ენერგიით სავსე ხარ, მიუხედავად იმისა, რომ დაიხარჯე. ალბათ საუკეთესო განტვირთვაა. მადლობა ძალიან კარგ ადამიანებს და ინსტრუქტორებს :)

ნატუკა ბერძენიშვილი სიტყვები არ მყოფნის გადმოვცე რამდენად კმაყოფილი ვარ,ჯერ სულ ერთი თვეა დავიწყე და ვგრძნობ ძალიან დიდ შედეგს,როგორც ფიზიკურ ასევე სულიერ მდგომარეობაზე დიდი მადლობა ამისთვის თქვენს გუნდს.

მარიამი მოდი ჩვენთან, რომ დაიწყო სუნთქვა, იგრძნო საკუთარი სხეული, გაიგო საკუთარ შესაძლებლობებზე მეტი. მეც მოვედი.. მელანქოლიით მოცული.. ორშაბათი იყო.. საღამოს 9 საათი.. იოგა არარის გაწელვისთვის, მოდისთვის ან ლამაზი ფოტოებისთვის, ეს პროცესია რომელშიც იწყებ სუნთქვას, შენი სხეულის ბალასთან ერთად შენი გონებაც სწავლობს ბალანსს და ზუსტად იმ სიჩქარით იწყებს დედამიწა ბრუნვას რომელიც შენთვისაა კომფორტული. თუ არ გადაუვლი სერიებს და ფეხის მყარად დადგმას ისწავლი, ისე დადგმას რომ სპილოების გორგალში მოხვედრის შემთხვევაშიც არ ჩამოგექცევა სხეული, დედამიწის უცაბედ აჩქარებულ სიჩქარესაც გაიკომფორტულებ.

ნინი კვასხვაძე ძალიან მიხარია რომ აღმოვაჩინე პატარა ოაზისი- 'იოგას სახლი' სადაც მისვლისთანავე, შედიხარ სხვა სამყაროში, თითქოს ყველაფერს გარეთ ტოვებ და იმ დროის მანძილზე , იმ მყუდრო და უშუალო გარემოში შეუდგები ძიებას , შენი ფიზიკური შესაძლებლობების , შინაგანი სამყაროს წვრთნას . ყოველდღიურად ახერხებ მცირედით მაგრამ მაინც გაზარდო ამ შესაძლებლობების ზღვარი. ეს არის მართლაც 'სახლი' ამ სიტყვის ყველაზე თბილი და საყვარელი გაგებით. გარეთ გამოსულს, ისეთი ავსების გრძნობა გეუფლება რაც დიდი სიხარულის ტოლფასია! და მოლოდინი იმისა, ისევ მალე მოინახულო ეს 'სახლი'. დიდი მადლობა არაჩვეულებრივ ინსტრუქტორებს და იოგას სახლს!

ნინო ბარბაქაძე მოხარული ვარ, რომ თბილისში არსებობს იოგას ისეთი ცენტრი, სადაც დარწმუნებული ვარ ვარჯიშის მიმართ სწორად მიდგომის გამო, ანატომიური ნიუანსების კარგად შესწავლის და გათვალისწინების გამო შეუძლებელია ახალბედამ რაიმე სახის ფიზიკური დაზიანება მიიღოს. რაც იოგას პრაქტიკა დავიწყე, სხეული განთავისუფლთა შებოჭილობისაგნ, ფიზიკური დაღლილობა გამიიშვიათდა, გამიუმჯობესდა კონცენტრაციის უნარი, ადგილი აღარ მრჩება ყოველდღიური და გაშინაურებული სტრესებისთვის, რწმენა მომემატა საკუთარი ძალების მიმართ. მოკლედ, რომ ვთქვა იოგას პრაქტიკული მეცადენეობის 96-ე საათისთვის ჩემი ბედნიერების კოეფიციენტი გაორმაგებულია

ქეთი ყაველაშვილი იოგას სახლში ერთი წელია დავდივარ, კმაყოფილების სრულად გამოთქმა გამიჭირდება, ამიტომ მხოლოდ რამდენიმე სიტყვით შემოვიფარგლები: იოგას სახლში თავს ვგრძნობ როგორც "სახლში". :)

ირინე სიამაშვილი ძალიან ბევრის დაწერა მინდა... აღმოვაჩინე უდიდესი განსხვავება ვიდრე იოგას ვარჯიშებს დავიწყებდი და დღევანდელ ჩემს ფიზიკურ მდგომარებას შორის, მიუხედავად იმისა რომ ძალიან მცირედის მიღწევა შევძელი ამ რამდენიმე თვის განმავლობაში. ყოველი გაკვეთილი ახალი რაიმეს აღმოჩენაა, ბატონი გიორგისა და ინსტრუქტორების დახმარებით, ძალიან დიდი მადლობა ყველას.

მაია გამყრელიძე ძალიან კარგი და მეგობრული გარემოა "იოგას სახლში". პროფესიონალი და ყურადღებიანი ინსტრუქტორების დახმარებით ძალიან კარგი შედეგის მიღწევაა შესაძლებელი. მიხარია, რომ "იოგას სახლში" მოვხვდი და შესაძლებობა მაქვს პროფესიონალი ადამიანებისგან შევისწავლო იოგა.

თამარ ათუაშვილი ძალიან შემიყვარდა იოგას სახლი, მალე გახდება ერთი წელი რაც დავიწყე სიარული თქვენთან. თუმცა მანამდე სულ ვადევნებდი თვალს საიტზე სიახლეებს და facebook გვერდზეც. ინსტრუქტორები თავისთავად ძალიან კარგები არიან. იოგას სახლის ატმოსფერო სულ სხვანაირად მოქმედებს და უფრო მოტივირებულს მხდის. გარკვეული მიზეზების გამო, პაუზა გამომივიდა, თუმცა მალე შემოვუერთდები ისევ და უფრო აქტიურად. რადგან მივხვდი ამ ერთ წელიწადში, რომ ყველაზე ბედნიერად, ლაღად და კარგად თავს ვგრძნობ მაშინ როცა იოგას ვაკეთებ. და მივაღწიე იმას, რომ დამოუკიდებლად სახლშიც შევძელი ვარჯიში, იმ პერიოდში როცა ვერ ვახერხებ სიარულს. მადლობა იოგას სახლს რომ არსებობს და მიყვარხართ ყველა <3

ეკატერინე ბეგაშვილი იოგათი დაახლოებით 2 წლის წინ დავინტერესდი, რადგან ხერხემალთან დაკავშირებული პრობლემების მოგვარების ერთ-ერთ ეფექტურ საშუალებად დამიხასიათეს. სახლის პირობებში დიდი ხნის განმავლობაში ერთსა და იმავე ე.წ. "დამწყები" დონის პოზებს ვაკეთებდი, მიუხედავად ამისა, მალე მოთხოვნილება გამიჩნდა, კვირაში ერთხელ მაინც მევარჯიშა, გამომდინარე იქიდან, რომ ამ ახალი "ჩვევის" დამსახურებით თავს ფიზიკურადაც და მენტალურადაც ბევრად უკეთ ვგრძნობდი. თუმცა ვხვდებოდი, რომ პროფესიონალებთან უშუალო ურთიერთობითა და ვარჯიშისთვის დროის სისტემატურად გამოყოფით სულ სხვა შედეგს მივაღწევდი. "იოგას სახლის" არსებობის შესახებ მალევე შევიტყვე და ნდობის განცდა შორიდანვე გამიჩნდა, როგორც კი თავისუფალი დრო გამომიჩნდა, მაშინვე დავიწყე სიარული და ახლა უკვე რთულად წარმომიდგენია, ის რამდენიმე საათი, რომელსაც აქ კვირის განმავლობაში ვატარებ, რამე სხვა საქმიანობით ჩავანაცვლო. თითოეული გაკვეთილი საკუთარ თავში დაუსრულებელი რესურსების არსებობაში გარწმუნებს, რადგან არცერთი ვარჯიში არ არის წინას იდენტური, პროგრესი ზედმეტი დაკვირვების გარეშეც იგრძნობა და ინსტრუქტორებიც შენს ამ წინსვლას მოსდევენ, ყოველ ჯერზე რაღაც შენთვის ახალს გთავაზობენ, რაც მუდმივი სწავლისა და განვითარების მდგომარეობაში გამყოფებს. დროსთან ერთად პოზები რთულდება, მაგრამ თანდათანობით საკუთარი თავისადმი სწორ მიდგომას პოულობ და უფრო მარტივად ჯაბნი ახალ დაბრკოლებებს. ბევრად შემსუბუქებული მდგომარეობა, რომელშიც ტოვებ დარბაზს, კიდევ დიდხანს ნარჩუნდება და მორიგ ვარჯიშზე მიმავალმა უკვე იცი, რომ იქიდან ბევრად მეტი ენერგიითა და გამოღვიძებული კონცენტრირების უნარით გამოხვალ. დისციპლინირებული გარემო და განწყობა, რომლის არსებობაც დარბაზში მყოფ ადამიანებში იგრძნობა, დამამშვიდებლად მოქმედებს და სურვილს გიჩენს, ბოლომდე მიუძღვნა თავი საკუთარ თავზე მუშაობის პროცესს. ყველა ინსტრუქტორი, რომელთანაც შეხება მქონია, თავისი საქმის პროფესიონალია და მაქსიმალურად გეხმარება, მიხვიდე ფიზიკური შესაძლებლობების იმ ლიმიტამდე, რომელიც აქ სიარულის დამსახურებით მუდმივი ზრდის მდგომარეობაშია.

მარი ხალიშვილი იოგას სახლის დიდუბის ფილიალი არის ხელსაყრელი გარემო იმისთვის რომ განიტვირთო და საკუთარ თავს დაუხლოვდე იოგას მეშვეობით. ამისთვის დიდი მადლობა ბ-ნ გიორგის, თავისი პროფესიონალიზმისთვის და უდიდესი ყურადღებისთვის. იოგას დიეტასთან ერთად ერთი თვის მანძილზე დავიკელი 5 კგ. მომეხსნა კისრის და ზურგის ტკივილი. ეს უდავოდ აისახება მთელი დღის განწყობაზეც.

ნინი ხოსიტაშვილი 1 თვეა რაც ოცნება და ჩანაფიქრი განვახორციელე და იოგათი დავკავდი. მანამდე, შინაგანად ყოველთვის ვგრძნობდი რომ იოგა იყო ცხოვრების ერთ-ერთი კომფორტი თავისი გამაჯანსაღებელი სარგებელით. ახლა კი ვხვდები, რომ რეალობამ მოლოდინს გადააჭარბა ისეთ გარემოში როგორიც იოგას სახლია. ძალიან მაგარი პროფესიონალის, გიორგი ბერძენიშვილის მშვიდი აურა და ყოველთვის დაუზარელი, ინდივიდუალური მიდგომა მეხმარება რთული ვარჯიშების შესრულებაში, რის შემდეგაც ხვდები რომ იოგა იმაზე მეტია ვიდრე უბრალოდ ვარჯიში. დაუსრულებლად შემიძლია ვისაუბრო, მაგრამ ვფიქრობ ყველაფერზე მეტყველებს ის ფაქტი, რომ იოგას სახლში ჩემს ორ ძვირფას ადამიამთან-2 შვილთან ერთად დავდივარ))). P.S. "მასწ", მადლობა 7 წლის ბარბარეს უამრავ შეკითხვაზე პასუხებისთვის და მოთმინებისთვის)))

მარიამი პირველი გაკვეთილის შემდეგ ცოტა დაძაბული გამოვედი, ვიფიქრე, რომ ასეთი რთული ვარჯიშების გაკეთებას ვერ შევძლებდი, თუმცა მეორე გაკვეთილიდან უკვე ეს დაძაბულობა მოიხსნა. ჩემს ცხოვრებაში პირველი შემთხვევა იყო, როდესაც ვარჯიში გადავწყვიტე და ვფიქრობ, არჩევანი საუკეთესოზე შევაჩერე. ვარჯიშიდან ვარჯიშს შორის ყველაზე კარგი ის არის, რომ თვითონ ხედავ შედეგს და ეს მოტივაციას გაძლევს. ეს, რა თქმა უნდა, იმ ინსტრუქტორების დამსახურებაა, რომლებთანაც მუშაობა მომიწია. ძალიან კამყოფილი ვარ და იმედი მაქვს, უახლოეს მომავალში დავუბრუნდები ვარჯიშს.

რევაზ დავითაშვილი მე-7 თვეა დავდივარ რეგულარულად. ყველა ინსტრუქტორი თავის საქმის პროფესიონალია, ძალიან მშვიდი, დადებითი და პოზიტიური ენერგიით ვივსები ყოგას სახლში შესვლისთანავე. შედეგს რაც შეეხება, ხერხემლის პრობლემებისგან სრულად გავთავისუფლდი, ძალა, მოქნილობა, კონცენტრაცია, ფსიქო-ემოციური სტაბილურობა, იმუნიტეტი, ენდოკრინული და გულ-სისხლძარღვთა სისტემა თითქოს თავიდან დაიბადა და განვითარდა. ყველას ვისაც სურს მუდმივი გონებრივი და ფიზიკური პროგრესირება, ჩემი აზრით იოგა(აშთანგა) ერთერთი საუკეთესო საშუალებაა, რომლის პრაქტიკაც სიცოცლის ბოლომდეა შესაძლებელი...

მაკრინე ქათამაძე 8 გაკვეთილში მივიღე შედეგი, როგორსაც ვერ წარმოვიდგენდი, ეს არის ადგილი, სადაც ბევრი წლის წინ უნდა მოვსულიყავი :) ისეთი თავდაჯერებული გავხდი როგორიც არ ვყოფილვარ არასოდეს, მგონია რომ ყველაფერი შემიდძლია, რასაც მოვისურვებ, გამიჩნდა ახალი გატაცებები და მიზნები, რომლებსაც უკვე პრაქტიკულად ვახორციელებ, საიდან მოდის ეს ენერგია მე თვითონაც ვერ ვხვდები. ჯანმრთელობის მხრივ ისე აღარ მაცუხებს ზურგი, როგორც მაწუხებდა, ეჭვი მაქვს რომ დავამარცხე ჩიყვი (ოქტომბრის ბოლოს მეცოდინება) მოკლედ, სად ვიყავი აქამდე :))

ეთუნა იორდანიშვილი იოგას სახლი არის ადგილი, სადაც მავიწყდება ყველანაირი დაღლილობა, პრობლემები და ვივსები უდიდესი ენერგიით. ყოველ ვარჯიშზე მაქვს პატარ-პატარა მიღწევები, რაც უდიდეს სტიმულს მაძლევს. მიხარია, რომ აღმოვაჩინე ეს ადგილი, საერთო მიზნის გარშემო გაერთიანებული განსხვავებული ადამიანები და ინსტრუქტორი გიორგი ბერძენიშვილი, რომელიც მუდამ სიახლის ძიებაში გვამყოფებს. ეს მეგობრული გარემო მალევე გახდა ჩემთვის დიდი ოჯახი, სადაც ყოველთვის ბევრს ვსაუბრობთ, ვიღებთ რჩევებს, ვვარჯოშობთ და ვამაყობთ ერთმანეთის მიღწევებით

ელენე სეხნიაშვილი ძალიან სასიხარულოა, რომ იოგას სახლი გვთავაზობს სპეციალურ ვარჯიშებს ორსულებისთვისაც. არსებობს გარკვეული ცრურწმენა, რომ ადამიანი ორსულობისას “ზედმეტად არ დაიტვირთოს”, რის გამოც ხშირად ორსულ ქალებს შეზღუდული შესაძლებლობის პირებივით ექცევიან. რაც უფრო უმოძრაოდაა სხეული განსაკუთრებით ორსულობისას, შეიძლება მართლაც უფრო მეტი ფიზიკური სირთულე იჩენს თავს. ამიტომ ძალიან გამიხარდა, რომ იოგას სახლში ეს ვარჯიშები აღმოვაჩინე. პირადად მე ძალიან მეხმარება იოგა როგორც ფორმისა და წონის, ასევე შინაგანი ბალანსის შენარჩუნებაში. გაწელვები, სუნთქვის ვარჯიშები სისხლის მიმოქცევას აუმჯობესებს, ხერხემლის კუნთებს ამაგრებს და მენჯის ძვლების მოქნობას უწყობს ხელს. დაღლილიც მივსულვარ, მაგრამ ვარჯიშის შემდეგ ძალები აშკარად მემატება. ძალიან სასიამოვნოა ვარჯიშის შემდეგ დასვენება და მედიტაცია. უსაყვარლესი, ყურადღებიანი და პროფესიონალი ინსტრუქტორების დახმარებით, მშვენიერ გარემოში, სასიამოვნო მუსიკის თანხლებით ვარჯიში ჩემი ერთ-ერთი ყველაზე კარგი გადაწყვეტილებაა ამ პერიოდში და ვაპირებ მომავალშიც აუცილებლად გავაგრძელო. იქვე, მოსაცდელში ასევე ხელმისაწვდომია საინტერესო ლიტერატურაც იოგისა და ფილოსოფიის შესახებ. იოგის სახლი ძალიან კარგი ადგილია საკუთარი, მყუდრო, ალტერნატიული სამყაროს შესაქმნელად.

მიხეილ გიორგაძე იოგისადმი ინტერესი, პირველ რიგში, ხერხემლის პრობლემებმა გამოიწვია. სწორედ ამ მიზეზით მოვხვდი იოგის სახლში. ერთი თვეა რაც დავდივარ და შემიძლია არა მახოლოდ ხერხელმალთან დაკავშირებულ, არამედ, საკუთარი გამოცდილებით, სხვა უფრო კომპლექსურ სარგებელზეც ვისაუბრო. პირველი ხელშესახები შედეგი იყო, ძილის მოწესრიგება. აღარც კი მახსოვს ბოლოს ასე მშვიდად და დროულად როდის დავიძინე:) ვგრძნობ ხერხემლის კუნთების გამაგრებას. თან და თან უფრო გაცნობეირებული ხდება იოგის, როგორც საკუთარი სულისა და სხეულის შეცნობის ფილოსოფია. ჩემი სხეული თურმე რამდენ შეზღუდვას და რამდენ შესაძლებლობას მალავს:) ყოველი გაკვეთილი ახალი შესაძლებლობის აღმოჩენა და ამ აღმოჩნეებისგან მიღებული ბედნიერების განცდის შესაძლებლობაა. ამ ყველაფერს უძღვებიან გამოცდილი და კომპეტენტური ინსტრუქტორები. არ შემიძლია ასევე არ აღვნიშნო მომსახურების სერვისების გამართულობა და კლიენტზე ორიენტირებულობა. ძალიან კომფორტულია ჩემთვის გადახდების და ფინანსური ვალდებულებების ელექტრონული მომსახურება და ავტომატური შეტყობინებები, ასევე თეორიული მასალის გაზიარება. მიხარია რომ აღმოგაჩინეთ!

თამარ იოგა გახდა ჩემი ცხოვრების მნიშვნელოვანი ნაწილი რომლის გარეშეც აქამდე ნეტავ როგორ ვცხოვრობდი. მადლობა იოგას სახლს რომ არსებობთ და ჩემს ყველაზე მაგარ ინსტრუქტორს ქეთა რიკაძეს

ანა ხუციშვილი ძნელია, „დჰარმის მაწანწალები“ წაიკითხო და იოგათი არ დაინტერესდე. მეც გადავწყვიტე ახალი წელი ახალი ჰობით დამეწყო და უკვე ორი თვეა ჩემს მეგობრებს თავი მოვაბეზრე, თუ რატომ იოგა და რატომ იოგას სახლი. პირველ რიგში, ისეთი გარემოა შეგიძლია ყველა პრობლემა გარეთ დატოვო და ვარჯიშის დროს პრობლემები დაივიწყო. ყოფილა შემთხვევა რვა საათი ფეხზე დგომის შემდეგ საღამოს დაღლილი იოგას სახლში მივსულვარ მაგრამ იქიდან ახალი ენერგიით, ბედნიერი გამოვსულვარ. პირველ დღეებში ძალიან მეზარებოდა, გულში მეტირებოდა, ვინ მაძალებს-თქო ვფიქრობდი, მაგრამ ეს ყველაფერი უდიდეს სიამოვნებად გადაიქცა და ახლა არა მარტო იქ, არამედ სახლშიც ვვარჯიშობ. უკვე ორი თვეა რაც დავდივარ, კვირაში სამჯერ. აუცილებლად ვაპირებ გაგრძელებას, ახლა უფრო ხშირად ვივლი და სხვა ინსტრუქტორებსაც გავიცნობ. კარგი მოტივაცია მომცა აბონემენტზე ფასდაკლებამ, რითაც ხშირად ანებივრებს გიორგი ბერძენიშვილი იოგას სახლის წევრებს. ამ მშვიდ და მეგობრილ გარემოს ქმნის, როგორც გიორგი, ასევე ადამიანები, რომლთან ერთადაც მიწევს კვირაში რამდენიმე საათის გატარება. ინსტრუქტორი ინდივიდუალურად გვითითებს, თუ როგორ უნდა შევასრულოთ სწორად ასანები, რაც გამიჭირდებოდა მის გარეშე. შევამჩნიე, როგორ ვსწორდები უნებურად, როცა აქამდე ხშირად მოკუზული ვიჯექი ან დავდიოდი. სიარულის მანერაც შემეცვალა. ემოციურად უფრო მშვიდი გავხდი და რაღაცებს სხვანაირად შევხედე. ალბათ ბანალურად ჟღერს, მაგრამ ბევრი ადამიანი დამეთანხმება, პირველ რიგში ჩემი მეგობარი, რომლის რჩევითაც მოვედი იოგას სახლში. მოკლედ, თუ გსურთ იხილოთ პროფესიონალიზმი, სასიამოვნო და მეგობრულ გარემოში გაატაროთ დრო, აუცილებლად უნდა მოხვიდეთ აქ. მარტო ის რად ღირს, რომ U2-ს, Cigarettes After Sex-ის (და სხვ.) სიმღერების ფონზე ვვარჯიშობთ. მადლობის მეტი არაფერი მეთქმის.

ანა ნანუაშვილი პირველ რიგში გეტყვით, რომ ეს არის ადგილი საიდანაც ყოველთვის მშვიდი,ენერგიული და გაძლიერებული გამოვდივარ. 6 თვის წინ დავიწყე სიარული,მანამდე პერიოდულად სახლში ვვარჯიშობდი, მაგრამ იქიდან გამომდინარე, რომ ხშირად დროს ან ადგილს ვერ ვპოულობდი სავარჯიშოდ, მქონდა ხანმოკლე პაუზები. ამის გამო გადავწყვიტე შემერჩია შესაბამისი ადგილი სავარჯიშოდ. სიმართლე გითხრათ, სულ მეშინოდა ზოგადად რომელიმე ცენტრში სიარულის, ვფიქრობდი რომ არსად არ იქნებოდა პროფესიონალი ინსტრუქტორი, რომელიც დამეხმარებოდა, სწორ მითითებებს მომცემდა და სიღრმისეულად ეცოდინებოდა ეს საქმე. ბევრი ძიების შემდეგ არჩევანი შევაჩერე იოგას სახლზე და არც შევმცდარვარ. აქ დამხვდა მეგობრული გარემო, არაჩვეულებრივი ინსტრუქტორები და ჩემთვის კომფორტული განრიგი. აქ ხშირად იმართება საინტერესო დისკუსიები სხვადასხვა თემებთან დაკავშირებით. ასე რომ, შეგიძლიათ ბევრი კარგი,სასარგებლო და საინტერესო ინფორმაციის მიღება. დავდივარ თითქმის ყოველდღე სიხარულით და ყველაზე დიდი ბედნიერებაა, რომ უდიდეს შედეგს ვხედავ. გავხდი ბევრად უფრო მოქნილი, ფიზიკურად გავძლიერდი, სისტემატიური და სწორი ვარჯიშის დახმარებით შემეცვალა სხეულის ფორმა, ვინარჩუნებ წონას, გავბედნიერდი, უფრო მეტად მშვიდი ვარ. ინსტრუქტორებს რაც შეეხება, თითოეული მათგანი არის თავისი საქმის მცოდნე, მათთან ერთად ვარჯიში არის ძალიან საინტერესო, პირადად მე მაძლევენ დიდ მოტივაციას და ვფიქრობ ეს კიდევ უფრო ხაზს უსვამს მათ პროფესიონალიზმს. ასე რომ, თუ ვინმე ისეთი კითხულობ, რომელსაც ბოლომდე არ გაქვს გადაწყვეტილი იყიდო თუ არა აბონიმენტი, არც დაფიქრდე და აუცილებლად შემოუერთდი ამ საოცარ გუნდს. მათ კი ვინც ეხლა იწყებს ვარჯიშს, ვურჩევ რომ არ უყუროთ სხვებს და არ დაიწყვიტოთ გული თუ რომელიმე პოზა არ გამოგივათ, მთელი მონდომებით ივარჯიშეთ და რაღაც პერიოდში თქვენივე შედეგი გაგაკვირვებთ, გარდა ამისა გამოიმუშავებთ მოთმინების უნარს და ბევრ ისეთ თვისებას დახვეწთ/შეიძენთ ,რაც სხვადასხვა ცხოვრებისეული სიტუაციების დროს ხშირად გამოგადგებათ.

თამრიკო ქავჟარაძე ნამასტე! :)) არ დაგიმალავთ და 51 წლის ვარ. საკმაოდ ფერხორციანი (ანუ მსუქანი - ზედმეტი 30 კგ), აქედან გამომდინარე უამრავი პრობლემით. ძალიან კმაყოფილი ვარ თქვენი კურსით და შესანიშნავი ინსტრუქტორებით (იზა და ნინო). უფრო მსუბუქად ვმოძრაობ, უკეთ ვუმკლავდები სხვადასხვა ფიზიკურ დატვირთვას (სახლის საქმეები, აგარაკზე მუშაობა), საკუთარი თავით კმაყოფილი ვარ, რომ ვარჯიშების შემდგომ დაღლას არ ვუშინდები და რეგულარულად დავდივარ. მოკლედ, ყველაფერი კარგადაა. იმედი მაქვს, წონაშიც ნელ-ნელა დავიკლებ. წარმატებები მთელს თქვენს გუნდს! P.S. მე რომ ჯანმრთელობის ან განათლების მინისტრი ვყოფილიყავი, აუცილებლად შემოვიტანდი იოგას ერთ-ერთ სავალდებულო საგნად სასწავლებლებში.

სალომე მარკოზია 4 თვეა უკვე რაც დავდივარ და ძალიან მომწონს ჩემი შედეგი. იზა ძალიან ყურადღებიანი და პროფესიონალიზმით გამორჩეული ინსტრუქტორია. გარემოც ძალიან სასიამოვნოა. ვარჯიშზე მოსვლა მიხარია! მადლობა

ხათუნა გოგუაძე პირველად ჩემს ცხოვრებაში იოგაზე ორი თვის წინ დავიწყე სიარული. თავიდან ძალიან სკეპტიკურად ვიყავი განწყობილი, რადგან ზოგადად ვარჯიში არ მიყვარს, თუმცა ჩემდა გასაკვირვად ძალიან მომეწონა. არ მოველოდი რომ ამდენი რამის გაკეთება შემეძლო და ჩემი ყოველი “წარმატება” დიდ სიხარულს მანიჭებს. უკვე ორ თვეში ვატყობ რომ ჩემი სხეულის ფორმები შეიცვალა უკეთესობისკენ და უფრო ელასტიური გავხდი. თამამად შემიძლია ვქვა რომ იოგა მაბედნიერებს ^_^ მადლობა თქვენ ამისთვის! გისურვებთ წარმატებებს!

ანა კირვალიძე იოგას სახლი არის ადგილი, სადაც არამარტო პროფესიონალ ინსტრუქტორთან ერთან ვვარჯიშობ არამედ გარემო, რომელიც დამეხმარა ემოციური ბალანსის მოპოვებაში და გამიუმჯობესდა კონცენტრაციის უნარი. რაც შეეხება ფიზიკურ ჯანმრთელობას ხერხემლის ტკივილები ნელ-ნელა გამიქრა და ქუჩაში სიარულის დროს ზურგის ტკივილებიც გაქრა. გამიუმჯობესდა ხერხემლის მდგომარეობა რაც გულისხმობს იმას,რომ დაჯდომის დროს ყოველგვარი ძალდატანების გარეშე ვინარჩუნებ გამართულ მდგომარეობას და რა თქმა უნდა სხეულის ფორმებიც გამიუმჯობესდა. მადლობა ბატონ გიორგის არაჩვეულებრივი გაკვეთილებისთვის 💓💓 თუ ჯერ არ გადაგიწყვეტიათ სად დაიწყოთ იოგას ვარჯიში Yoga House is highly recommended !! 🧘‍♀️🧘‍♂️🤸‍♂️

Tatuli Jashiashvili იოგამდე ტანვარჯიშზე დავდიოდი 7 წლიდან, ახლა უკვე თითქმის1 წელია რაც ვვარჯიშობ იოგას..ვარჯიშის შემდეგ ყოველთვის ძალიან მაგარ ხასიათზე ვდგები და მგონია რო ყველაფერი შემიძლია რაღაც საოცარი გრძნობაა🤣❤️ჩემი აზრით იოგას სახლი არის საუკეთესო ვარიანტი დღესდღეობით საქართველოში;გიორგი თავის საქმის პროფესიონალია და საუკეთესო ინსტრუქტორი❤️დიდუბის ფილიალში გარემო არის უზომოდ თბილი თვითონ ინსტრუქტორებიც ძალიან მაგრები არიან🌟მე მაგალითად ძალიან მაგარი შედეგი მივიღე ამ ერთი წლის განმავლობაში და მგონია რომ უფრო და უფრო მეტს შევძლებ მომავალში 💛

ნინი ოდიშვილი პროფესიიდან გამომდინარე დღის განმავლობაში მიწევს სკამზე მოხრილი ჯდომა + ამას ვარ დაძაბული, ამიტომ მე და ზურგის ტკივილი დიდი ხნის მეგობრები ვართ...... რამოდენიმე თვეა რაც დავიწყე ვარჯიში და აღარც მახსოვს ბოლოს როდის დავიწუწუნე ზურგის ტკივილის გამო. იოგა არის ჩემთვის ერთგვარი განტვირთვის საშუალება, იმის მიუხედავად რომ ბევრი მოძრაობის სწორად და ზუსტად შესრულწბა ჯერ კიდევ მიჭირს შედეგს ყოველ გაკვეთილზე ვგრძნობ, რაც ძალიან მახარებს.

თიკო ასეიშვილი

სულ ვეძებდი ისეთ აქტივობას, სადაც "სულს გავავარჯიშებდი" და ფიზიკური თავისთავად დალაგდებოდა. სადაც შინაგანი სამყარო გარეს შემიცვლიდა და არა პირიქით. სადაც ვიპოვიდი თავისუფლებას და ამ თავისუფლებით "მთას გადავდგამდი"... და მე ვიპოვე... მე გიპოვეთ და მიუხედავად იმისა, რომ ბევრი მიკლია სრულყოფილებამდე შინაგანი თავისუფლება მოვიპოვე და ჩემთვის მთავარი — სიმშვიდე... თითოეული ჩემს მიერ შესრულებული ასანა ისეთია, როგორიც მე ვარ — ზოგჯერ მშიშარა, ზოგჯერ გაბედული, ზოგჯერ თამამი და ზოგჯერ მორიდებული... იმდენად გამაშიშვლა, პირველად შევცბი იქნებ სხვაც მხედავდა... იოგა დამეხმარა თვითშემეცნებაში, დამენახა საკუთარი ნაკლოვანებები, რომელზეც თვალს ვხუჭავდი და დამენახა ღირსებები, თუ კი მაქვს, როგორც ასეთი. მადლობა თქვენ, რომ ეს ყველაფერი დამანახეთ.

 

თამარ დეკანაძე 6 წლიანი წყვეტის შემდეგ იოგას სახლში დაბრუნება ერთერთი საუკეთესო გადაწყვეტილებაა რაც მიმიღია. პროფესიონალების გუნდი და საოცარი გარემო ქმნის ატმოსფეროს რომელიც სრულიად გავიწყებს ყოველდღიურ რუტინას, გავსებს ენერგიით და გაძლევს უდიდეს მოტივაციას. ამ გარემოში ჩემთვის წარმოუდგენელი რამ აბსოლუტურად შესაძლებელი გახდა. ვხედავ პროგრესს და უდიდესი სიამოვნებით ვაგრძელებ შრომას უკეთესი შედეგებისთვის. და ყველაფერი წარმოუდგენელი იქნებოდა იზას გარეშე <3 მადლობა! მადლობა! <3

ვერა სხირტლაძე 💫თითქმის ბავშვობიდან ძალიან მაინტერესებდა იოგა, როგორც ცხოვრების სტილი, ყველა ასპექტით... ვოცნებობდი რომ როდისმე მეც იოგი გავხდები. ამ ზაფხულს სრულიად მოულოდნელად მოვხვდი პირდაპირ ინტრუქტორების მომზადების კურსზე, გიორგი ბერძენიშვილთან, და ვარ ეხლა ძალიან ბედნიერი და მოხარული, რომ ასე მოხდა! 💖 თავიდან მეშინოდა, რომ გამოუცდელი ვარ და ჩემთვის იოგა უცხო სამყაროა, მაგრამ ეხლა კურსის შუაში ვართ და დავრწმუნდი, რომ სწორე არჩევანი გავაკეთე. ზუსტად დამწყებისთვის საუკეთესოა ეს კურსი, რადგან დაწვრილებით ვარჩევთ , როგორ სწორედ და ეფექტურად შევასრულოთ ასანები, რომ სასხრები არ დავაზიანოთ და მაქსიმალური სარგებლობა მივიღოთ ვარჯიშის დროს. ძალიან საინტერესო სუნთქვის პრაქტიკა, იოგას ეტიკა და მედიტაციაც.მგონი ზუსტად ასე უნდა დაიწყოს ადამიანმა იოგას შესწავლა,, რადგან ასე უფრო გააზრებულად და სწორედ მიუდგება პრაქტიკასაც. 1 თვეში გავძლიერდი, ენერგია მომემატა და მგონი უფრო მშვიდი გავხდი🧘‍♂️. საოცარი ჯგუპელები მყავს💗🤸‍♀️ და საუკეთესო მასწავლებელი, მცოდნე, პროფესიონალი , კარგი იუმორით 😎🧘‍♂️ ბედნიერი ვარ, რომ მოვხვდი იოგას სახლში, ნამდვილად თბილ , მეგობრულ და საოცარ გარემოში , აქ მოსვლა ყოველთვის მიხარია 💓🙏💓

გუგა ბერაია "იოგას-სახლი" არის ერთ-ერთი საუკეთესო ადგილი თბილისში სადაც შეიძლება როგორც იოგას მაღალ დონეზე შესწავლა, ასევე განტვირთვა პროფესიონალ ტრენერებთან ერთად. პირადად მადლობელი ვარ ქალბატონი ინგასი, მასთან გავლილი პრაქტიკა და გარემო განუმეორებელია. ერთთვიანი სიარულის შემდეგ შედეგი სახეზეა, ვარ ბევრად უფრო მოქნილი და ჯანმრთელი. ყველა ვინც დაინტერესებულია იოგის შესწავლით ვურჩევ "იოგას-სახლს" ეფექტური და პროფესიული კურსებისთვის. გუგა ბერაია

თამთა ცინცაძე იოგას სახლს 5 წლიანი შუალადის შემდეგ დავუბრუნდი. დაძაბული სამუშაო და სასწავლო გრაფიკიდან გამომდინარე, ბოლო 2 წელი ინტენსიურ ვარჯიშს მოკლებული ვიყავი, რის გამოც დამეწყო ზურგის ტკივილი, კუნთებიც მოდუნდა, რომ აღარაფერი ვთქვა ემოციურ დაძაბულობასა და ყოველდღიურ სტრესზე. 1 თვეა დავბრუნდი და საოცრად დიდ სხვაობას ვგრძნობ უკვე. აღარც ზურგი და ხერხემალი მაწუხებს და ემოციურად ხომ საერთოდ, ლაპარაკიც ზედმეტია :) ნამდვილი შვებაა. სასიამოვნო გარემოც ხელს უწყობს ამ ყველაფერს. მოკლედ, ძალიან მიყვარს აქაურობა :) წარმატებები <3

ნათია კურტანიძე საუკეთესო გარემო, ერთმანეთზე უკეთესი ტრენერები (ვისთანაც შეხება მქონია, ქეთი, ელენე და რა თქმა უნდა, არაამქვეყნიური გიორგი ბერძენიშვილი). ყოველ ჯერზე, საკუთარ თავში სულ უფრო მეტ ძალასა და შესაძლებლობებს ვხედავ, ვისვენებ როგორც სულიერად, ისე ფიზიკურად, (მიუხედავად წარმოუდგენელი დატვირთვისა). ყოველ მომდევნო სესიაზე აშკარაა პროგრესი სხეულის მოქნილობის მხრივ. "იოგას სახლი" თავისი მცენარეებით, ულამაზესი დეკორაციებით, გემოვნებიანი მელოდიით თავს მართლაც სახლში გაგრძნობინებთ, მიხარია ის დღე, როდესაც აქ მოვდივარ. P.S. ერთადერთი, რაც დისკომფორტს მიქმნის, საშხაპეების არ არსებობაა...

ია მღვდლიაშვილი ძალიან, ძალიან, გულით და სულით არ მიყვარს აშტანგა :დ მაგრამ ძალიან კარგი და ინფორმატიული გაკვეთილი იყო და იგრძნობა ბევრი ყურადღება და ძალისხმევა ინსტრუქტორებისგან. ვისაც ეს მაზოხიზმი მოსწონს და უყვარს ან სწრაფი პროგრესი უნდა აუცილებლად ვურჩევ და მეც პერიოდულად შევეცდები დავაძალო თავს. გამიხარდებოდა ონლაინ ერთადერთი მიმართულების გარდა სხვა ვარიანტიც რომ იყოს. არაონლაინაც არ იკლავთ თავს, ადრე მინდოდა და 90% აშტანგა მაისორი იყო სულ. არადა ძალიან კარგი ხარისხი გაქვთ და გამიხარდებოდა უფრო ხშირად რომ დავსწრებოდი. აი ფიტნეს დარბაზში რომ მიხვალ და რუტინულად ერთსა და იმავეს აკეთებ სულ, ეგეთი წარმოდგენა მაქვს (ზოგადად აშტანგაზე, სხვადასხვა ინსტრუქტორები და სტუდიიდან)

eka gurgenashvili დიდი მადლობა გიორგის, რომ ეს ონლაინ კურსი გააკეთა <3 ყოველ ჯერზე ყველაფერი უკეთესად გამომდის და ვხედავ საკუთარ პროგრესს, მოტივაცია და ენდორფინები თანდათან მემატება. განწყობაც გამიუმჯობესდა და ჯანმრთელობაც, უფრო თავისუფლად და მსუბუქად ვარ. გიორგის პროფესიონალიზმზე ზედმეტია ლაპარაკი, ყოველთვის ეფექტური და სასიამოვნოა მისი ინსტრუქტაჟის ქვეშ ვარჯიში <3

ხათუნა კალანდარიშვილი იოგას ასანებს ვეუფლები ალბათ წლებია, ჩემთვის ესაა ცხოვრების წესი, სულერი წონასწორობა, ბალანსი, ფიზიკური და მენტალური წრთობა, ჰარმონია, პატარ- პატარა გამარჯვებები , რომელიც საკუთარ შესაძლებლობებს აღმოგაჩენინებს და შეგაყვარებს!, რაღაც მომენტში აღმოვაჩინე რომ, უფრო მეტი უნდა მცოდნოდა, უფრო სრულად უნდა ჩავწდომოდი იოგას ჰარმონიას და ვისთვის უნდა მიმემართა თუ არა "იოგა სახლისთვის" , გიორგი ბერძენიშვილისთვის და მისი პროფესიონალური გუნდისთვის ? გადაწყვეტილებაც მივიღე სპონტანურად, თან სწავლება მიმდინარეობდა ონლაინადაც და ეს ჩემთვის ფრიად მოსახერხებელი იყო , ვცხოვრობ ბათუმში და იოგას სახლში ვიზიტებზე ვერც კი ვიოცნებებდი :)შევიტანე ჩემთვის ამბიციური განაცხადი, იოგას ინსტრუქტორთა მოსამზადებელ კურსებზე და დავიწყე ონლაინ თეორიული და პრაქტიკული კურსის შესწავლა, რომელშიც მართლაც სინთეზია ამ ორი ცოდნისა და გამოცდილების. შესასრულებელ ასანებს თან ახლავს დეტალური თეორიული სასწავლო მასალა -ახსნა, სუნთქვის პრაქტიკა და სხეულის მდგომარეობის, კონცენტრაციის წარმართვისა და მოშვება -მოდუნება, რელაქსაციის შესახებ, ერთთვიანი გამოცდილების შემდეგ, გუნდთან მუშაობითა და თეორიულ-პრაქტიკული ცოდნის დაუფლებით , მოხდა უჩვეულო რამ, ქუჩაში წავიქეცი და დავიზიანე ტერფი, იოგას ასანების შესრულებას გარკვეული დროით ვერ შევძლებდი, მაგრამ ისევ გიორგის, ინსტრუქტორი- მარიამ ხელაძის დახმარებით , სწორად შერჩეული პოზებით, ადამიანური სითბოსა და თანადგომის გამოჩენით, ისევ შემიძლია "მზეს მივესალმო", " წერო" ვიყო, ზოგჯერ " მთა", " კატა" , " გუთანი" " მშვილდი" " ხიდი " , მადლობა ამისათვის, მადლობა მარიამს, დაუზარებელ ჩემს " პირად" ინსტრუქტორს, მოთმინებისთვის , ინდივიდუალური მიდგომისათვის, ცოდნის გაზიარებისათვის, დროის ჩემთვის მორგებისთვის, ჩემი შესაძლებლობის გამოვლენისთვის, თავდაჯერებულობის მომატებისთვის და სიმსუბუქისთვის! წარმატებებს გისურვებთ, მადლობა რომ პოპულარიზაციას უწევთ იოგას საქართველოში, აგყავთ მაღალ ხარისხში, დებთ მასში ბევრ ადამიანურ შრომას, ფილოსოფიას, უნარებს, გამოცდილებას, საუკეთესო ტრადიციებს, ! პირველები ხართ !

სალომე ჩხაიძე ძალიან მიყვარს მთელი თქვენი გუნდი, და თქვენი ცენტრი, თანაც ეს ონლაინ გაკვეთილები ზუსტად ჩემთვისაა შექმნილი :)))) აუცილებლად დაგიბრუნდებით კვლავ <3

ზაზა ასათიანი ვერიკოს ინსტრუქტაჟით ძალიან კმაყოფილები ვართ. ვერიკო ვარჯშთან ერთად, ასევე ვგასწავლიდა იოგის კულტურულ, მედიცინურ და ფსიქოლგიურ მნიშვნელობას. ვერიკო, ყოველ სეანსზე, გვაძლევდა მოტივაციას ჩვენს ლიმიტებზე გვემუშავა და დღის ბოლოს მეტისთვის მიგვეღწია. ზაზა და თიკო

ნინა ლეშჩენკო დიდი მადლობა მინდა გადავუხადო იოგას სახლს, გიორგი ბერძენიშვილსა და მშვენიერ და ძალიან მაგარ ინსტრუქტორებს ამ იოგას ინსტრუქტორთა კურსისთვის. ეს კურსი დამეხმარა უფრო სიღრმისეულად ჩავწვდომოდი იოგას არსს როგორც ანატომიურ და ფილოსოფიურ, ისე პრაქტიკულ დონეზე. ძალიან მეგობრული და თბილი გარემოა, რაც ჩემთვის ძალიან მნიშვნელოვანია. ინსტრუქტორებისგან მუდმივად ვიღებდი მოტივაციას და ეს ძალიან მეხმარებოდა. წარმატებას ვუსურვებ ყველა კურსდამთავრებულს და ასევე მათ ვინც მომავალში გაივლის მას. იოგა საკუთარი თავისა და სხეულის გაცნობისა და გაცნობიერების კიდევ ერთი უმაგრესი გზაა.

სოფო ბაბუაძე ძალიან მიხარია, როცა მიხსნიან, ვგებულობ და შემდეგ გამოდის, (არის პროგრესი) რა თქმა უნდა, ერთი ახსნით არაფერი გამოდის, რადგან თუ მზად არ არის სხეული, არ არის საკმარისად ძლიერი, რაც არ უნდა გაიგო და გაიაზრო, ჯერ ყურით და შემდეგ ტვინით, სხეული ვერ გააკეთებს. ჩემს შემთხვევაში, აი, უკვე 2 კვირაა, რაც ტვინმა სხეულამდე მიაღწია 😂😂 ერთ-ერთი მაგალითისთვის: ბევრჯერ გამეორებული სიტყვები („წინ ზნექის დროს და ასევე უკან ზნექის დროს წელი არ დატვირთო და მენჯით იმუშავე“-მ გამოანათა ჩემშიც 😂😂) უცებ ვიგრძენი იმ ადგილების მუშაობა, რომესლსაც ადრე ვერ ვგრძნობდი და ვერ ვხვდებოდი, როგორ უნდა ჩამერთო პრაქტიკაში. (ადრე არც ვიცოდი, რომ საჭირო იყო) ხოდა დიდი მადლობა ამისთვის იზას განსაკუთრებით 💙 კარგი, მრავალჯერადი ახსნისა და სწორი ვარჯიშის დამსახურებაა ეს 💙 ძალიან მიხარია, ასეთ პროგრესს რომ ვგრძნობ და ვხედავ პრაქტიკაში 😁💕✨

ხატია ქვათაძე იოგას 5 წლის წინ მივაგენი. მყავდა გადასარევი ინსტრუქტორი, რომელთან განშორების შემდეგ კიდევ დაახლოებით 5-6 ადამიანთან ურთიერთობა ვცადე და გამოვცადე. ზოგი არ მომიხდა, ზოგს- მე არ მოვუხდი :) ნინო ბარბაქაძემდე პანდემიისას მივედი. სხვათაშორის, სკეპტიციზმით შევუდექი შრომას და 4 თვიანი თანამშრომლობის თავზე შემიძლია ვთქვა რამდენიმე რამ: 1. საუკეთესო მიდგომით და პროფესიონალიზმით მან შეძლო და იოგას ჩემთვის უცხო მიმდინარეობას ამაყოლა :) 2. სირთულის მიუხედავად ნებისყოფა გამიუმჯობესა და არ ვნებდები 3. საგრძნობი და თვალშისაცემი შედეგი მაქვს- როგორც ვიზუალურად,ისე- შეგრძნებით 4. ძალიან კარგი სტრატეგია შეარჩია ინდივიდუალური წვრთნისთვის:) 5. არის მშვიდი, ოპტიმისტი, კარგი მასტიმულირებელი, მომთხოვნი, მაგრამ სწორად აღიქვამს შესაძლებლობებსაც და განწყობებსაც და ბოლოს,ჩემი ფიქრების და დარდების საუკეთესო გამზიარებლადაც იქცა მადლობა ნინოს (ბარბაქაძეს) 🙏 მადლობა თქვენ!

მარიამ სომხიშვილი ერთი თვეა რაც იოგაზე დავიწყე სიარული. საკმაოდ მოუქნელი ვიყავი,თუმცა ყოველ ჯერზე პატარ-პატარა პროგრესს ვგრძნობ,რაც ძალიან დიდ სიხარულს მანიჭებს, ფიზიკურ აქტივობასთან ერთად, სასიამოვნო ხასიათის ცვლილებაზეც კი მოახდინა გავლენა,რისთვისაც უზომოდ დიდ მადლიერებას გამოვხატავ ინსტრუქტორ,ეთო გელიშვილის მიმართ,რომელიც არის,უზომოდ დიდი პოზიტივი,მხიარული და ყურადღებოანი💙💚💜❤

ანა ინგასთან პირველივე ვარჯიშის შემდეგ ვიგრძენი საოცარი შვება და სიმსბუქე. მინდა დიდი რეკომენდაცია გავუწიო მას და მთლიანად იოგას სახლს და მის ინსტრუქტორებს, რომლებმაც თავიდან შემაყვარეს და მაზიარეს იოგას ფილოსოფიას! <3

ივანე მეტრეველი დიდი ხანი მინდოდა იოგას პრაქტიკა მეცადა მაგრამ, სულ რაღაც მიშლიდა ხელს, საბოლოდ როგორც იქნა გადავდგი ეს ნაბიჯი და შევუერთდი ონლაინ იოგას ჯფუგს, ეს ალბათ ერთ-ერთ საუკეთესო გადაწყვეტილება არის რაც კი მიმიღა, რადგან რამდენიმე კვირიანი პრაკტიკის შემდეგ, გავხდი მეტად თავდაჯერებული, პოზიტიური, ვძლიე სიზარმაცეს და გავხდი ჩემი თავის უკეთესი ვერსია, გამიარა ზურგის ტკივილმაც რომელიც გამოწვეყლი იყო დიდი ხნის განმავლობაში მჯდომარე პოზაში მუშაობთ, ამ ყველაფერთან ერთად, ჩემი სხეული გახდა ბევრად მობილური ვიდრე მანამდე იყო ხოლო კუნთოვანი მასა გახდა მეტად მკვრივი და გამოკვეთილი, ამ ყველაფრის მიღწევაში დამეხმარა ონლაინ იოგას ინსტრუქტორები, ნინო, ნინა და მარიამი მინდა მათ მადლობა გადავუხადო რომ შემაყვარეს იოგა, ასანები მრავალფეროვანი და სახალისოა, მათგან უდიდესი პოზიტივი მოდის რაც კიდევ უფრო გეხმარება რთული ასანების შესრულებაში და მიზნის მიღწევაში, ერთი სიტყვით საუკეთესოები არიან <3

მაია ხეცურიანი 1 თვეა რაც დავიწყე იოგას სახლში სიარული. მანამდე არასდროს მქონია შეხება, პირველი რამდენიმე გაკვეთილი ძალიან გამიჭირდა, ვფიქრობდი ვერ შევძლებდი, თუმცა მარიამის პერსონალურმა გაკვეთილმა შემიცვალა აზრი, მომიხსნა კომპლექსი, მარიამი დამეხმარა ილეთების სწორად აღქმაში. პერსონალური გაკვეთილები ძალიან კარგია ჩემნაირი დამწყები ადამიანისთვის, როცა უამრავი კითხვა გაქვს და ვერ ახერხებ ჯგუფური მეცადინეობის დროს მიიღო პასუხი❤️

ლელა ბერუაშვილი გამარჯობა მეგობრებო! 🌞
მინდა, გაგიზიაროთ ჩემი ყველა ის ემოცია და ფიზიკური მდგომარეობა, რაც 2021 წლის ნოემბრიდან გამიჩნდა იოგის მიმართ…

უკვე ნოემბრის მიწურულს გადავწყვიტე შევხებოდი იოგას. დავრეკე „იოგას სახლში“, სადაც ბ-მა გიორგიმ მირჩია დავსწრებოდი ერთ გაკვეთილს და გამეკეთებინა მოკლე ანალიზი იმისა: იყო თუ არა იოგა ჩემთვის…😊

„იოგას სახლში“ მივედი 2021 წლის 22 ნოემბერს და დღემდე ერთგულად დავდივარ ვერიკო სხირტლაძესთან. ვერიკო არის პროფესიონალი, პუნქტუალური, თავის საქმის მოყვარული, ჰუმანური, კეთილსინდისიერი ინსტრუქტორი, რაც გამოიხატება იმაში, რომ ვარჯიშის საათის ყველა წამი არის პროდუქტიული…ვერიკო არ გვაძლევს მოდუნების საშუალებას და დიდი სტიმულით, რწმენით და შთაგონებით გვაკეთებინებს ყველაფერ იმას, რომელზეც ადრე ვერც ვიოცნებებდით… ძალიან გამიმართლა, რომ ვერიკო ჩემი ინსტრუქტორია… 😇

ეს არის ადამიანი დაბადებული ამ საქმისთვის… ყველა ახალი გაკვეთილი წინა გაკვეთილისგან განსხვავდება სიახლით და მიღწევებით…. არცერთი გაკვეთილი წინას არ ჰგავს, არ გამიჭირდება იმის თქმა, რომ მიმიხარია „იოგას სახლში“, ისეთი აურა აქვს ვერიკოს, რომ კარებს მიღმა რჩება ჩემი პირადი და იშლება არაჩვეულებრივი, ჯანსაღი, სიყვარულით და სიკეთით სავსე სამყარო… მადლობა მშვენიერ ვერიკოს ყოველივესთვის…🌷😍

რაც შეეხება ჩემი 5 თვიანი ვარჯიშის შედეგს:

1. გამიქრა წელის ტკივილი;
2. ასევე, მხრის ტკივილი, რომელიც ღამე ძილის საშუალებას არ მაძლევდა…
3. დამავიწყდა ყურის ნიჟარის ტკივილები, რომლის ტკივილსაც ყელ-ყურის ექიმი მიაწერდა ოსტეოქონდროზს…
4. მომიწესრიგდა ძილი…
5. იოგამდე დავიკელი 40 კგ და მოგეხსენებათ კანის მდგომარეობა როგორიც იქნებოდა… დღეს თამამად შემიძლია აღვნიშნო, რომ ზედმეტად მოშვებული კანი დგება ფორმაში, რაც სტიმულს მაძლევს იმისას, რომ კანის არაესთეტიური მდგომარეობა სულ მალე რიგ უხერხულობებს აღარ შემიქმნის;
6. ვარჯიშიდან გამოსული ახალი და დადებითი ენერგიით ვარ სავსე და უკვე მოთხოვნილებად მექცა იოგას ყოველდღიური პრაქტიკა (და ალბათ ეს დღეც დადგება…)
7. დარბაზს გარეთ, საყოფაცხოვრებო პირობებშიც კი მადგება ყველა ის მითითება, რასაც ვერიკო იძლევა ვარჯიშის დროს და ვხვდები რომ არა მარტო მაჯანსაღებს, არამედ ცხოვრებას მიმარტივებს იოგა…
8. ჩემი ასაკია 49 წელი, სულ რაღაც 6 თვეში ნახევარ საუკუნეს მივაღწევ ბევრად გაჯანსაღებული და დადებითი ენერგიით სავსე, რაზეც უდიდეს მადლობას გიხდით ბ-ნო გიორგი თქვენ, რომ თქვენი მონდომებით მომეცა საშუალება ახალი და ლამაზი ცხოვრების… 😍

ეკა ჩიჩუა იზა არი საოცრება. მაქვს სქოლიოზი, ამის გამო არათქნაბრად განვითარებული კუნთები მარჯვენა და მარცხენა მხარეს. ასევე ძალიან არა მოქნილი ვარ:) 1 თვეში გავიწელე შედარებით, მოვძლიერდი, თავის ტკივილები ფაქტიურად გამიქრა, მუხლი მტკიოდა( სავარაუდოდ ხელრხემლის გამო) და აღარ მტკივა… დიდი მადლობა 🙏🏽

kristina მოგესალმებით , დიდი ხანია რაც დავდივარ წელიწადზე მეტი და იცით რას ვფიქრობ აქამდე სად ვიყავი :) უბედნიერესი ვარ რომ არსებობთ , დიდი მადლობა გიორგი ბერძენიშვილს რომ დაარსა ეს ცენტრი და უდიდესი მადლობა ნინო მეტრეველს ჩემს ინსტრუქტორს ულამაზეს და უსაყვარლეს მიყვარხართ ❤

თამრიკო ქავჟარაძე მადლობა და კიდევ ერთხელ დიდი მადლობა ჩემს კოპწია და საყვარელ მასწავლებელს, ნინო მეტრეველს! (იოგას სახლი, დიდუბის ფილიალი) 3 თვეში მან თითქმის შეუძლებელი რამ შეძლო - დავიკელი 10 კგ; გამეხსნა ხერხემლის ყველა მალა, ამ კილოგრამებთან ერთად 10 წელიც მომაკლდა ნამდვილად. აუცილებლად ივარჯიშეთ იოგა. ამაზე უკეთესი წამალი არ არსებობს.

ქეთევან ქადაგიძე ძალიან კმაყოფილი ვარ თქვენთან ურთიერთობით და მუშაობით. გავიარე 1 თვიანი ონლაინ კურსი თქვენს პრიფესიონალებთან ერთად, რამაც ბევრად წინ წამწია. ჩემი ვარჯიშები თქ ვენი გუნდის დახმარებით იყო ბე რად ეფექტური, სტიმულის და მოტივაციის მომცემი, გიგზავნით სიყვარულს და მადლიერებას. ნამასტე 🙏🙏🙏

ნინო წულაია მაწუხებდა ტკივილები წელის არეში, მჯდომარე სამსახურის გამო, რაც დავიწყე იოგაზე სიარული ტკივილები პრაქტიკულად აღარ მაწუხებს. განსაკუთრებულად მინდა ავღნიშნო ჩვენი ინსტრუქტორის იზა ვაშაკიძის პროფესიონალიზმი და ყურადღება, რომელსაც ის იჩენს ვარჯიშის მსვლელობისას.

შოთა ბასილაძე 2 თვეა რაც იოგას სახლში დავდივარ, სიტყვებით არ შემიძლია გადმოვცე რამდენად კარგი შედეგი მაქვს, რამდენად კარგი გარემოა. ინსტრუქტორები საუკეთესოები არიან თამარა ❤ მარიამ ❤

ვატო უგულავა თქვენ აკეთებთ ძალიან მაგარ საქმეს:)), შედეგსაც ვგრძნობ და აღფრთოვანებული ვარ ნინო მეტრეველის საოცარი პროფესიონალიზმით🙌❤️

სალომე ქობულაშვილი დიდი მადლობა გიორგი ბერძენიშვილს, ასეთი არაჩვეულებრივი კლუბის შექმნისთვის, საოცარი ტრენერების შერჩევისთვის. პროფესიონალიზმითა და ემპათიით გაჯღენთილი გარემოსთვის. პერსონალური მადლობა ნინო ბარბაქაძეს ჯადოსნური გაკვეთილებისათვის ❤️❤️❤️ 28 წლიანი სტომატოლოგიური პრაქტიკა ხერხემლისთვის სერიოზული სტრესია, არ მეგონა რომ იოგას ასე მსუბუქად შეეძლო ამ პრობლემასთან გამკლავება, მხრებში იშლები , ხერხემალი სწორდება, ხდება სხეულის სრული ტრანსფორმაცია, ტკივილი უკვალოდ ქრება... დიდი მადლობა🙏🙏🙏🙏🙏🙏🙏

ნანუ მაცაბერიძე "იოგას სახლი" ყოველთვის არის ის ადგილი,სადაც ვისვენებ შინაგანად,ფიზიკურად.. აქ ის ადამიანები, ვინც მუშაობენ ჰქმნიად "შინაურულ" გარემოს,რაც გეხმარება მოაღწიო გარე და შინაგან სრულყოფილებას,რამდენადაც ეს შესაძლებელია💚 ყოველთვის სიამოვნებით მივდივარ და ყოველთვის ახალი ემოციებით ვბრუნდები. ეს არის საუცხოო გარემო რომელიც სავსეა იმ შინაგანი სიმშვიდითა და ჰარმონიით,რის მწვავე ნაკლებობასაც განვიხდით ყველა შექმნილი რუტინებითა და სამსახურეობრივი მოვალეობებით. გიორგი ბერძენიშვილი ერთადერთი ადამიანია,რომლის მიმართაც თვალდახუჭული გავცემ რეკომენდაციას. მადლობა,რომ შეჰქმენით ადგილი,სადაც ყოველთვის სიხარულით მოვდივარ🙏

თამარ ხოჯამიროვი იოგას დაახლოებით წლინახევრის წინ დავუბრუნდი. კისრის ტრავმით გამოწვულ მუდმივ დისკომფორტთან სხვადახვა მეთოდებით ერთ წლიანი თითქმის უშედეგო ბრძოლის შემდეგ, რომელიც ჩემს ფსიქოლოგიურ მდგომარეობაზეც ძალიან მძიმედ აისახებოდა. იოგას სახლში თავიდან გიორგი ბერძენიშვილის ინდივიდუალურ გაკვეთილებზე დავიწყე სიარული, ძალიან მომეწონა მისი მიდგომა, ის რომ განვიხილავდით თუ რომელი ვარჯიში რაზე იყო მიმართული, ვაკვირდებოდით შეგრძნებებს ვარჯიშისას და შედეგებს. თანდათან დისკომფორტმა შემცირება დაიწყო და ამან ემოციურადაც შვება მომგვარა. როცა მნიშვნელოვანად უკეთ ვიყავი მაისორის ჯგუფში გავაგრძელე ვარჯიში იზასთან, სადაც ყველა ინდივიდუალური ტემპით ვარჯიშობს, ყურადღებიანი და პოზიტიური იზა კი ასევე ინდივიდუალურ მითითებებს იძლევა. ჯგუფში ვარჯი ჩემთვის დამატებითი მოტივაციის მომცემი აღმოჩნდა. ძალიან მინდა იოგა ჩემი ცხვორების განუყრელ ნაწილად დარჩეს, რადგან ვგრძნობ თუ რამდენად დადებითად აისახება ის ჩემს ფიზიკურ და მენტალურ მდგომარეობაზე.

გვანცა ბოჭორიშვილი იოგას მიმართ ინტერესი დაახლოებით 1 წელია გამიჩნდა, მაგრამ ხან დროის დეფიციტის გამო ხან სხვა მიზეზებით ვერ ვახერხებდი, მათ შორის იყო ჩემი მოუქნრლობაც. მარიამ ხელაძე არის სასწაული გოგო ♥️ ინდივიდუალურ გაკვეთილზე დებს სულ და გულს რომ მიაღწიოთ იმ შედეგს რაზეც ოცნებობთ♥️ მოტივაციით, სწორი ტექნიკების ჩვენებით, ფიზიკური დახმარებით საბოლოოდ გაკვეთილიდან გამოდიხართ საოცრად ბედნიერი, მადლიერი და ენერგიით სავსე 🥰♥️♥️ დიდი მადლობა მარიამს ამ შეგრძნებებისთვის ♥️

სოფო ლომინეიშვილი იოგის დაწყება მას შემდეგ გადავწყვიტე რაც წელის ტკივილები ყოველდღიურ დისკომფორტს მიქმნიდა. საქართველოში არ ყოფნის გამო მე-3 თვეა ონლაინ ვვარჯიშობ. ონლაინ პროგრამა ძალიან ეფექტური აღმოჩნდა და მიხარია ყოველი სესია, ვარჯიშის პროცესი არ არის დამღლელი, საკმაოდ დინამიურია. მე უკვე ვგრძნობ პროგრესს და ეს ყველაფერი ძალიან სასიამოვნოა. ინსტრუქტორი-ნინა ორჯონიკიძე- კარგი მცოდნეა, არამარტო იოგისპრაქტიკული, არამედ თეორიული ნაწილის, და ხშირად გვიზიარებს თავის გამოცდილებას თუ ცოდნას იოგის ასანების მნიშვნელობაზე ცხოვრებაში. მაგ. შიშის დაძლევის ასანა. გამოწვევები, რომელიც იოგის პრაქტიკის დროს აღმოვაჩინე დამაფიქრა ჩემი ცხოვრების ბევრ მომენტზე. ვფიქრობ იოგა გაცილებით მეტია ვიდრე უბრალოდ ფიზიკური პრაქტიკა. რჩევა იოგის სახლს: კარგი იქნებოდა ონლაინ გაკვეთილებზე დროის კუთხით მეტი არჩევანი რომ იყოს, მათთვის ვინც სხვა კონტინენტზე ცხოვრობს. დროის სხვაობის გამო, მხოლოდ კვირაში 3 ჯერ ვახერხებ ვარჯიშს. მადლობთ რომ არსებობთ! სოფო

ალექსანდრა მაჭავარიანი გამარჯობა. დიდუბის ფილიალში დავდივარ, ქ-ნ ვერასთან და ძალიან კმაყოფილი ვარ. კვირაში ორჯერ დავდიოდი, ახლა 1 კვირიანი აბონემენტი დავამატე და საქართველოში დაბრუნების შემდეგ აუცილებლად გავაგრძელებ კვირაში 3-ჯერ. იოგას თითოეულ ვარჯიშს მოაქვს მხნეობა, სულიერი სიმშვიდე, ფიზიკური გაჯანსაღება და ამას ყოველი მომდევნო დღის შემდეგ სულ უფრო ნათლად ვგრძნობ. დარბაზი ძალიან მოწესრიგებული, ყოველთვის სუფთაა და არაჩვეულებრივი გარემოა, რომლის შექმნაშიც უდიდესი წვლილი შეუცვლელ პროფესიონალ, ვერა სხირტლაძეს მიუძღვის.

მაკა გორდელაძე ძალიან მომწონს და ბედნიერი ვარ რომ დავიწყე იოგა თქვენთან👏💕დიდი მადლობა!💕

ნინო საბაშვილი ძალიან მიყვარს იოგას სახლი🫶🏼 თქვენი ცენტრი ჩემი სიმშვიდის და ბედნიერების სახლია🫶🏼 ვაფასებ თქვენს პროფესიონალურ და მეგობრულ გუნდს, რაც ჩემი ვარჯიშის შედეგზეც აისახება🙏🫶🏼 სიამობმებით ვაგრძელებ თქვენთან სიარულს🫶🏼💫

თეონა ჯიშიაშვილი იოგას სახლი ყოველთვის იყო და რჩება ჩემთვის საუკეთესო ადგილად. განსაკუთრებული გარემო, ადამიანები და რაც მთᲕარია სივრცე, სადაც პოულობ და მერე თან მიგაქვს ენერგია, სამყოფი მთელი დღის, კვირის, თვის და წლის :)

მაია ბოლქვაძე ძალიან ძალიან კმაყოფილი ვარ იოგას ცენტრით. პირველ რიგში ძალიან კარგი გარემოა დიდუბის ფილიალში. დავდიოდი 3 სხვადასხვა ინსტრუქტორთან, და სამივეს რეკომენდაციას ვუწევ.

თამარ გვაგვალია იოგა არის ცხოვრების სტილი, ჩვენი და თქვენი სწორი არჩევანი. ყოველი ვარჯიში სხეულის შეცნობის ხელოვნებაა. ეს არის საუკეთესო რამ, რაც შეიძლება საკუთარ თავს აჩუქო 💙

ხატია ვასაძე ძალიან კმაყოფილი და ბედნიერი ვარ აშთანგა იოგას კურსით. აქ დაგხვდებათ პროფესიონალების გუნდი, საუკეთესო სავარჯიშო გარემო. ძალიან დიდ მადლობას ვუხდი უმაგრეს და უმაღლესი პროფესიონალიზმის მქონე ტრენერს, ბატონ გიორგის როგორც თეორიული, ისე პრაქტიკული ცოდნის გაზიარებისთვის